ٸٸ دٷنيەجٷزٸلٸك سوعىستا حابار-وشارسىز كەتكەن 7 وتانداسىمىزدىڭ مەيٸتٸ تابىلدى. ولاردىڭ اتى-جٶندەرٸ انىقتالىپ, ەلگە جەتكٸزٸلدٸ. بۇل تۋرالى قر قورعانىس مينيسترٸنٸڭ ورىنباسارى تيمۋر داندىباەۆ مەلٸم ەتتٸ, دەپ حابارلايدى قازاقپارات.
«جەڭٸستٸڭ 80 جىلدىق مەرەيتويى قارساڭىندا ٶتٸپ وتىرعان بٷگٸنگٸ شارا سوعىس كەزٸندە ەرلٸكپەن قازا تاپقانداردىڭ رۋحىنا كٶرسەتٸلگەن قۇرمەت. سول سەكٸلدٸ تاريحتى جاڭعىرتۋ مەن ٶسكەلەڭ ۇرپاققا ٶنەگە بولارى سٶزسٸز. سوعىسقا اتتانعان ەربٸر سولدات تاريحقا ەنٸپ, جاستاردى پاتريوت بولۋعا تەربيلەۋدٸڭ قۇرالى. سونىمەن قاتار بٷگٸنگٸ كونفەرەنتسييا ەكٸ ەل اراسىنداعى دوستىق قارىم-قاتىناستىڭ بەلگٸسٸ. تاريح سوعىسى بەرٸبٸزگە ورتاق, ونداعى اتا-بابالاردىڭ ەرلٸگٸ دە ورتاق. ۇلى وتان سوعىسى كەزٸندە قازاقستان اۋماعىندا 12 اتۋ پولكٸ, 4 كاۆالەرييالىق ديۆيزييا, 7 اتقىشتار بريگاداسى, 50-گە جۋىق پولك جەنە ارنايى بريگادا قۇرىلىپ, سوعىسقا اتتاندى», - دەدٸ تيمۋر داندىباەۆ.
تيمۋر داندىباەۆتىڭ دەرەگٸنشە, سوعىسقا ەلٸمٸزدەن 1,5 ملن-نان استام ادام اتتانعان.
«ولاردىڭ 600 مىڭى سوعىستا مەرت بولىپ, 271 مىڭ وتانداسىمىز حابارسىز كەتتٸ. وسى ورايدا سوعىس كەزٸندە ٸز-تٷسسٸز كەتكەن جانداردى ٸزدەۋشٸلەردٸڭ ەڭبەگٸ زور. ولار وتاندى قورعاۋعا اتتانعاندارعا قاتىستى قانداي دا بٸر حاباردى تابۋ جولىندا تٶر تٶگٸپ جاتىر. اتالعان ٸسكە جاستار دا بەلسەنە قاتىسسا دەگەن نيەت بار, بۇل جاس ۇرپاقتى پاتريوتتىققا باۋليدى. سوعىس كەزٸندە حابار-وشارسىز كەتكەن وتانداستىرىمىزدى ٸزدەۋ مەن ولارعا قاتىستى دەرەكتەردٸ تابۋ بٸزدٸڭ مينيسترلٸك قىزمەتٸنٸڭ باستى باعىتتارىنىڭ بٸرٸ. رەسەيدٸڭ ٸزدەۋشٸلەر توبىمەن بٸرلەسكەن جۇمىستىڭ نەتيجەسٸندە بيىل 7 قازاقستاندىق ەسكەردٸڭ مەيٸتٸ تابىلىپ, ولاردىڭ اتى-جٶندەرٸ انىقتالدى. ولار ەلٸمٸزگە جەتكٸزٸلٸپ, تيٸستٸ دەڭگەيدە قايتا جەرلەندٸ», - دەيدٸ ول.
ايتا كەتەيٸك, بٷگٸن ەلوردادا ۇلى وتان سوعىسىنىڭ 80 جىلدىعىنا ارنالعان «ەلەمدٸ قورعاعانداردى ەستە ساقتاۋ, اقيقاتتى جەتكٸزۋ» اتتى حالىقارالىق كونفەرەنتسييا ٶتٸپ جاتىر.
شارا «Atamnyn Amanaty» قوعامدىق بٸرلەستگٸ «رەسەيدٸڭ ٸزدەۋ قوزعالىسى» جالپىرەسەيلٸك قوعامدىق قوزعالىسىمەن بٸرلەسٸپ, پرەزيدەنتتٸك گرانتتار قورىنىڭ قولداۋىمەن ۇيىمداستىرىلدى.
