II Dúniejúzilik soǵysta habar-osharsyz ketken 7 otandasymyzdyń máiiti tabyldy. Olardyń aty-jónderi anyqtalyp, elge jetkizildi. Bul týraly QR Qorǵanys ministriniń orynbasary Timýr Dandybaev málim etti, dep habarlaidy QazAqparat.
«Jeńistiń 80 jyldyq mereitoiy qarsańynda ótip otyrǵan búgingi shara soǵys kezinde erlikpen qaza tapqandardyń rýhyna kórsetilgen qurmet. Sol sekildi tarihty jańǵyrtý men óskeleń urpaqqa ónege bolary sózsiz. Soǵysqa attanǵan árbir soldat tarihqa enip, jastardy patriot bolýǵa tárbileýdiń quraly. Sonymen qatar búgingi konferentsiia eki el arasyndaǵy dostyq qarym-qatynastyń belgisi. Tarih soǵysy báribizge ortaq, ondaǵy ata-babalardyń erligi de ortaq. Uly otan soǵysy kezinde Qazaqstan aýmaǵynda 12 atý polki, 4 kavaleriialyq diviziia, 7 atqyshtar brigadasy, 50-ge jýyq polk jáne arnaiy brigada qurylyp, soǵysqa attandy», - dedi Timýr Dandybaev.
Timýr Dandybaevtyń dereginshe, soǵysqa elimizden 1,5 mln-nan astam adam attanǵan.
«Olardyń 600 myńy soǵysta mert bolyp, 271 myń otandasymyz habarsyz ketti. Osy oraida soǵys kezinde iz-tússiz ketken jandardy izdeýshilerdiń eńbegi zor. Olar otandy qorǵaýǵa attanǵandarǵa qatysty qandai da bir habardy tabý jolynda tór tógip jatyr. Atalǵan iske jastar da belsene qatyssa degen niet bar, bul jas urpaqty patriottyqqa baýlidy. Soǵys kezinde habar-osharsyz ketken otandastyrymyzdy izdeý men olarǵa qatysty derekterdi tabý bizdiń ministrlik qyzmetiniń basty baǵyttarynyń biri. Reseidiń izdeýshiler tobymen birlesken jumystyń nátijesinde biyl 7 qazaqstandyq áskerdiń máiiti tabylyp, olardyń aty-jónderi anyqtaldy. Olar elimizge jetkizilip, tiisti deńgeide qaita jerlendi», - deidi ol.
Aita keteiik, búgin elordada Uly Otan soǵysynyń 80 jyldyǵyna arnalǵan «Álemdi qorǵaǵandardy este saqtaý, aqiqatty jetkizý» atty halyqaralyq konferentsiia ótip jatyr.
Shara «Atamnyn Amanaty» qoǵamdyq birlestgi «Reseidiń izdeý qozǵalysy» jalpyreseilik qoǵamdyq qozǵalysymen birlesip, Prezidenttik granttar qorynyń qoldaýymen uiymdastyryldy.
