قر بٸلٸم جەنە عىلىم مينيسترلٸگٸ مەملەكەت تاريxى ينستيتۋتىنىڭ ديرەكتورى بٷركٸتباي اياعاننىڭ ايتۋىنشا, بٷگٸنگٸ جاستار عىلىمعا كٶپ كەلە بەرمەيدٸ. سەبەبٸ جالاقى - از, دەپ xابارلايدى قازاقپارات اگەنتتٸگٸ.
«بٸزدە كەسٸبي بٸلٸمدٸ تەگٸن بەرٸپ, جۇمىسشى ماماندىقتارعا اقىسىز وقىتۋ باستاماسىن قولعا العانى ٶتە دۇرىس بولدى. ول اۋىل جاستارىنىڭ بٸراز پروبلەماسىن شەشٸپ بەرۋٸ تيٸس. مىسالى, بٸر جاقسى دەنەكەرلەۋشٸ ايىنا بٸر-ەكٸ مىڭ دوللار الۋى مٷمكٸن. كەي كەزدە ويلايسىن, قينالىپ, عىلىم قۋىپ, دوكتور بولعانشا, مٷمكٸن, جاقسى بٸر دەنەكەرلەۋشٸ بولۋ قاجەت پا ەدٸ? سەبەبٸ قازٸرگٸ كەزدە كەسٸبي دەنەكەرلەۋشٸگە دە, كەسٸبي قۇرىلىسشىعا دا سۇرانىس بار. ونداي ماماندار تاپشى», - دەيدٸ تاريxشى اياعان.
ينستيتۋت ديرەكتورىنىڭ ايتۋىنشا, عىلىمدا جٷرگەن پروفەسسوردار كٶپ تابىس تابۋى مٷمكٸن. الايدا جاس ماماندار عىلىمعا كٶپ كەلە بەرمەيدٸ. سەبەبٸ جالاقى تٶمەن.
«بۇل ٶزٸ سوڭعى 20 جىلدا بولىپ جاتقان جاعداي. جاستاردىڭ عىلىمعا كەلۋٸ مٷلدەم ازايىپ كەتكەن. دارىندى جٸگٸتتەردٸڭ كٶبٸسٸ بيزنەستٸ, يا بولماسا, مەملەكەتتٸك قىزمەتتٸ قۋىپ كەتەدٸ. ولاردىڭ كەلمەيتٸن سەبەبٸ - جالاقى از. سول مەسەلە قينايدى», - دەپ اتاپ كٶرسەتتٸ پروفەسسور قازاقپارات تٸلشٸسٸنە بەرگەن سۇxباتىندا.
ايتا كەتەيٸك, «قازاقستاننىڭ مەملەكەتتٸك-جەكەشەلٸك ورتالىعى» اق تٶراعاسىنىڭ ورىنباسارى, «بولاشاق» باعدارلاماسىنىڭ تٷلەگٸ عالىمبەك مامىراەۆتىڭ ويىنشا, ەل ەكونوميكاسىن جاڭعىرتۋ شارالارى اياسىندا جۇمىسشى ماماندىقتاردان بۇرىن كەڭسەدە وتىرعان قىزمەتكەرلەردٸ قىسقارتۋ قاۋپٸ باسىم بولىپ تۇر.
