ٶزبەكستاننىڭ بٸرٸنشٸ پرەزيدەنتٸ, مارقۇم يسلام كاريموۆتٸڭ جيەنٸ يمان كاريموۆا Instagram پاراقشاسى ارقىلى ٶزبەكستان مەملەكەتتٸك قاۋٸپسٸزدٸك قىزمەتٸ مەن باس پروكۋراتۋراسىنا ٷندەۋ جاسادى. ول قاماۋدا وتىرعان اناسى گٷلنارا كاريموۆاعا تٷرمەدە قىسىم جاسالاتىنى تۋرالى مەلٸمدەگەن. "تٷرمەدە تيٸستٸ مەديتسينالىق كٶمەك كٶرسەتٸلمەگەندٸكتەن انامنىڭ جاعدايى كٷننەن-كٷنگە ناشارلاپ بارا جاتىر" دەپ مەلٸمدەگەن 21 جاستاعى يمان كاريموۆا.
بيىل كٶكتەمدە تٷرمەدە وتىرعان گٷلنارا كاريموۆامەن جولىققان ونىڭ شۆەيتسارييالىق ادۆوكاتى گرەگۋار مانجا دا يماننىڭ سٶزٸن راستايدى.
"كاريموۆاعا ەم-دوم جاسالمايدى. بٸزبەن كەزدەسكەننەن كەيٸن ونى تٷرمەنٸڭ مەديتسينالىق بلوگىنان شىعارىپ جٸبەرگەن. دەرٸگەرگە دە جولىقتىرماي, وعان ٷنەمٸ پسيحولوگييالىق قىسىم جاسايدى" دەپ جازادى ادۆوكات ٶزٸنٸڭ Twitter پاراقشاسىندا.
ٶتكەن اپتادا ٶزبەكستان باس پروكۋراتۋراسى گٷلنارا كاريموۆاعا "قىسىم جاسالىپ, مەديتسينالىق كٶمەك كٶرسەتٸلمەي جاتىر" دەگەن اقپاراتتى جوققا شىعارعان. "دەنساۋلىعى قالىپتى, قاجەتتٸ مەديتسينالىق ەم-دومنىڭ بارلىعىن جاساۋعا كەپٸل بەرەمٸز" دەپ مەلٸمدەگەن پروكۋراتۋرا.
ٶزبەكستاندا گٷلنارا كاريموۆانىڭ ٷستٸنەن ەكٸ قىلمىستىق ٸس قوزعالعان. تەرگەۋشٸلەر "مەملەكەتكە ەكٸ ميلليارد دوللار زييان كەلگەن" دەيدٸ.
2015 جىلى تاشكەنت سوتى گٷلنارا كاريموۆانى سالىقتان جالتارۋ, اقشا جىمقىرۋ جەنە بوپسالاۋ قىلمىستارىنا ايىپتى دەپ تانىپ, بەس جىلعا باس بوستاندىعىن شەكتەگەن. كەيٸن ونىڭ ٷستٸنەن قارجى الاياقتىعىن جاساعان, شەتەل ۆاليۋتاسىن جاسىرعان, كەدەن زاڭىن بۇزعان جەنە قىلمىستىق جولمەن تاپقان اقشانى زاڭداستىرعان دەگەن ايىپتار بويىنشا تاعى بٸر ٸس قوزعاعان.
2017 جىلى جەلتوقساندا ٶزبەكستان سوتى گٷلنارا كاريموۆانى 10 جىلعا باس بوستاندىعىنان ايىرعان. 2018 جىلى جازدا ونىڭ جازاسىن جەڭٸلدەتٸپ, بەس جىلعا باس بوستاندىعىن شەكتەۋ جازاسىنا اۋىستىرعان. سوت ٷكٸمٸنە سەيكەس, گٷلنارا كاريموۆا قىزى يماننىڭ ٷيٸندە ٶتەۋٸ تيٸس بولعان, ونىڭ ٷيدەن شىعۋىنا جەنە ينتەرنەت پەن بايلانىس قۇرالدارىن پايدالانۋىنا تىيىم سالعان.
2019 جىلى ناۋرىزدىڭ باسىندا ٶزبەكستان باس پروكۋراتۋراسى گٷلنارا كاريموۆانىڭ سوت شەشٸمٸمەن ٷيقاماقتان تٷرمەگە اۋىستىرىلعانىن حابارلاعان. بيلٸكتٸڭ مەلٸمدەۋٸنشە, ٷيقاماقتا وتىرعان گٷلنارا كاريموۆا "جازا ٶتەۋ شارتى مەن تەرتٸبٸن قاساقانا بۇزعان": بٸرنەشە رەت بايلانىس قۇرالدارىن پايدالانىپ, قىزىنىڭ ٷيٸنەن رۇقساتسىز شىعىپ كەتكەن.
2013 جىلى شۆەتسييالىق باسىلىمدار ٶزبەكستانعا ينۆەستيتسييا سالۋعا ىقىلاس بٸلدٸرگەن حالىقارالىق كوممۋنيكاتسييالىق كومپانييالاردىڭ گٷلنارا كاريموۆاعا پارا بەرۋگە مەجبٷر بولعانى تۋرالى جازعان ەدٸ. شۋلى ماقالالاردان كەيٸن شۆەتسييا, شۆەيتسارييا, نيدەرلاند, اقش جەنە باسقا ەلدەردە تەرگەۋ باستالىپ, ٸرٸ تەلەكوممۋنيكاتسييالىق كومپانييالاردىڭ ٸس-ەرەكەتٸن تەكسەرە باستاعان.
موبيلدٸك بايلانىس قىزمەتٸن كٶرسەتەتٸن ٷش ٸرٸ كومپانييا - Telia, Vimpelcom جەنە متس ٶزبەكستاننىڭ تەلەكوممۋنيكاتسييالىق نارىعىنا كٸرۋ ٷشٸن گٷلنارا كاريموۆاعا بٸرنەشە ميلليون پارا بەرگەنٸن مويىنداعان. بۇدان كەيٸن اقش رەسمي تٷردە كاريموۆانى پارا الدى جەنە 865 ميلليون دوللار قارجىنىڭ ٸزٸن جاسىردى دەپ ايىپتاعان.
