رەسەي ەسكەرٸ ۋكرايناعا باسىپ كٸرگەلٸ بەرٸ شامامەن 20 مىڭعا جۋىق ادامىنان ايىرىلعان. بۇل تۋرالى ٶز دەرەككٶزٸنە سٷيەنگەن بريتاندىق Guardian باسىلىمى حابارلادى.
بۇعان دەيٸنگٸ ەسەپ بويىنشا, مامىر ايىنىڭ ەكٸنشٸ جارتىسىندا قازا بولعاندار سانى 15 مىڭ بولعان. رەسەي ەسكەرٸ ەسٸرەسە ۋكراينانىڭ لۋگانسك وبلىسىنىڭ باتىسىنداعى شابۋىلداردا كٶپ شىعىنعا ۇشىراعان.
ال ۋكراينانىڭ ەسەبٸنشە, قازا بولعان رەسەيلٸكتەر سانى - 31 مىڭ ادام. ۋكراينانىڭ ٶز شىعىنى ناقتى قانشا ادام ەكەنٸ بەلگٸسٸز.
ۋكراينا قورعانىس مينيسترلٸگٸنە سٸلتەمە جاساعان ۋنيان اگەنتتٸگٸنٸڭ حابارلاۋىنشا, ەلدە كٷندەلٸكتٸ 100-گە جۋىق جاۋىنگەر كٶز جۇمىپ, 500-گە جۋىعى تٷرلٸ جاراقات الادى. بۇل اقپاراتتاردى سوعىس جاعدايىندا تەكسەرۋ مٷمكٸن بولماي وتىر.
The Guardian باسىلىمىنا سۇحبات بەرگەن دەرەككٶزدٸڭ اتاپ ٶتۋٸنشە, كٶپ ۇزاماي ەكٸ جاقتىڭ دا ەسكەرٸ فيزيكالىق جەنە پسيحولوگييالىق تۇرعىدان بولدىرۋى مٷمكٸن. رەسەيدٸڭ ەسكەري رەزەرۆٸ ارتىق بولعانىمەن, ۋكراين ساربازدارىنىڭ ەسكەري رۋحى مىقتى.
بۇۇ ادام قۇقىعى تۋرالى جوعارعى كوميسسارىنىڭ ەسەبٸنشە, رەسەي ۋكرايناعا سوعىس اشقالى بەرٸ 4302 بەيبٸت تۇرعىن مەرت بولعان. ونىڭ 272-ٸ - بالا. 5217 ادام جارالانعان.
ادامدار كٶبٸنە اۋىر ارتيللەرييا سوققىسىنان قازا تاۋىپ, جارالانعان.
