Resei áskeri Ýkrainaǵa basyp kirgeli beri shamamen 20 myńǵa jýyq adamynan aiyrylǵan. Bul týraly óz derekkózine súiengen britandyq Guardian basylymy habarlady.
Buǵan deiingi esep boiynsha, mamyr aiynyń ekinshi jartysynda qaza bolǵandar sany 15 myń bolǵan. Resei áskeri ásirese Ýkrainanyń Lýgansk oblysynyń batysyndaǵy shabýyldarda kóp shyǵynǵa ushyraǵan.
Al Ýkrainanyń esebinshe, qaza bolǵan reseilikter sany - 31 myń adam. Ýkrainanyń óz shyǵyny naqty qansha adam ekeni belgisiz.
Ýkraina qorǵanys ministrligine silteme jasaǵan ÝNIAN agenttiginiń habarlaýynsha, elde kúndelikti 100-ge jýyq jaýynger kóz jumyp, 500-ge jýyǵy túrli jaraqat alady. Bul aqparattardy soǵys jaǵdaiynda tekserý múmkin bolmai otyr.
The Guardian basylymyna suhbat bergen derekkózdiń atap ótýinshe, kóp uzamai eki jaqtyń da áskeri fizikalyq jáne psihologiialyq turǵydan boldyrýy múmkin. Reseidiń áskeri rezervi artyq bolǵanymen, ýkrain sarbazdarynyń áskeri rýhy myqty.
BUU adam quqyǵy týraly joǵarǵy komissarynyń esebinshe, Resei Ýkrainaǵa soǵys ashqaly beri 4302 beibit turǵyn mert bolǵan. Onyń 272-i - bala. 5217 adam jaralanǵan.
Adamdar kóbine aýyr artilleriia soqqysynan qaza taýyp, jaralanǵan.
