گرۋزييانىڭ جاڭادان سايلانعان پرەزيدەنتٸ سالومە زۋرابيشۆيلي گرۋزيياعا جەنە ۋكرايناعا قارسى باسقىنشىلىعى ٷشٸن رەسەيمەن ەرٸپتەستٸك ورناتۋ مٷمكٸندٸگٸنە كٷمەن كەلتٸردٸ. بۇل جٶنٸندە زۋرابيشۆيلي BBC تەلەارناسىنا بەرگەن سۇقباتىندا مەلٸمدەدٸ.
زۋرابيشۆيلي رەسەيدٸ گرۋزييا جەرٸنە بٸرتٸندەپ ەنٸپ, "باسىپ الىنعان ايماق سىزىعىنداعى" ازاماتتاردى ۇرلادى دەپ ايىپتادى. ول "باسىپ الىنعان ايماق سىزىعى" دەپ مويىندالماعان وڭتٷستٸك وسەتييا رەسپۋبليكاسىمەن شەكارانى اتادى. گرۋزييانىڭ جاڭا باسشىسى ەلدٸڭ ەۋروپامەن ىنتىماقتاسۋ باعىتىن ۇستاناتىنىن ايتتى.
گرۋزييا بيلٸگٸ رەسەيدٸ وڭتٷستٸك وسەتييامەن شەكتەسەتٸن ايماقتا ازاماتتاردى تۇتقىنداپ جاتىر دەپ بۇعان دەيٸن دە ايىپتاپ كەلگەن. مەسكەۋ بولسا, بۇل ايماقتى تەۋەلسٸز مەملەكەت دەپ مويىنداپ, تٶرت مىڭ ەسكەرٸن ورنالاستىرعان. رەسەيدەن باسقا وڭتٷستٸك وسەتييانى تەۋەلسٸز ەل دەپ بەس مەملەكەت مويىنداعان. ابحازييا مەن وڭتٷستٸك وسەتييا 2008 جىلى رەسەي مەن گرۋزييا اراسىندا بولعان ەسكەري جانجالدا گرۋزييادان بٶلٸنٸپ شىققان. رەسەي گرۋزييانىڭ جٸكشٸل ايماقتارىنداعى ەرەكەتٸن "بٸتٸمگەرشٸلٸك وپەراتسيياسى" دەپ اتاعان.
پرەزيدەنت سايلاۋىندا سالومە زۋرابيۆشيلي 60 پايىزعا جۋىق جاۋىس جيناپ, قارسىلاسى گريگول ۆاشادزەدەن 20 پايىز داۋىسپەن وزدى. گرۋزييا تاريحىندا بٸرٸنشٸ رەت ەيەل پرەزيدەنت اتانعان زۋرابيشۆيلي سايلاۋداعى جەڭٸسٸن "ەۋروپانىڭ جەڭٸسٸ" دەپ اتادى. ەلدٸڭ بۇرىنعى پرەزيدەنتٸ ميحايل سااكاشۆيلي جاقتايتىن ٷمٸتكەر ۆاشادزە سايلاۋ قورىتىندىسىن مويىندامادى. ول بيلٸكتٸ سايلاۋشىلارعا قىسىم جاسادى, سايلاۋ نەتيجەسٸن بۇرمالادى دەپ ايىپتادى. ونىڭ سٶزٸنشە, "گرۋزييا ارمانى" پارتيياسى جەڭٸسكە جەتۋ ٷشٸن "قىلمىس ەلەمٸمەن كەلٸسٸمگە كەلگەن". وپپوزيتسييا جاقتاستارى تبيليسيدە شەرۋگە شىعۋدى جوسپارلاپ وتىر.
