گرۋزييا سوڭعى جەتٸ كٷندە 100 مىڭ ادامعا شاققاندا بٸر تەۋلٸكتە كوروناۆيرۋس جۇقتىرۋ سانى بويىنشا ەلەمدە بٸرٸنشٸ ورىندا, ال ادام ٶلٸمٸ بويىنشا تٶرتٸنشٸ ورىندا تۇر. بۇل دەرەكتەردٸ The New York Times كەلتٸردٸ, دەپ حابارلايدى "ۇلت اقپارات" «نوۆوستي-گرۋزييا» اگەنتتٸگٸنە سٸلتەمە جاساپ.
باسىلىمنىڭ دەرەگٸنە سەيكەس, گرۋزييادا اۋرۋ جۇقتىرۋدىڭ ورتاشا تەۋلٸكتٸك كٶرسەتكٸشٸ 3 758 ادامدى, ال قايتىس بولعاندار سانى – 36 ادامدى قۇرايدى. گرۋزييا قازٸر كوروناۆيرۋستىڭ تٶرتٸنشٸ تولقىنىندا تۇر. سوڭعى 24 ساعاتتا ەلدە 5697 ادام اۋرۋعا شالدىعىپ, 54 ادام COVID-19-دان كٶز جۇمدى. بۇل پاندەمييا باستالعان ۋاقىتتىڭ ٸشٸندەگٸ رەكوردتىق كٶرسەتكٸش.
دٷيسەنبٸ كٷنٸ بيلٸك جاڭا شەكتەۋلەر ەنگٸزٸلەتٸنٸن جارييالادى. 10 تامىزدان باستاپ ەلدە تەك جابىق كەڭٸستٸكتە ەمەس, 5 ادام جينالاتىن اشىق اۋادا دا ماسكا تاعۋ مٸندەتتەلدٸ. ٷيلەنۋ تويىنا, جەرلەۋ رەسٸمٸنە, مەرەيتويلار مەن باسقا دا شارالارعا سالىنعان تىيىم قاتتى قاداعالانادى. سونداي-اق, تٷنگٸ ۋاقىتتا كلۋبتار مەن مەيرامحانالاردىڭ جۇمىسىنا رۇقسات ەتٸلمەيدٸ.
ۆاكتسينانىڭ تەك بٸر دوزاسىن العاندار سانى 7 تامىزدا 664 997 ادامعا جەتتٸ. بۇل گرۋزييا حالقىنىڭ 17,8%-ىن عانا قۇرايدى. ەكٸ دوزاسىن دا 204 234 ازامات (5,3%) الدى.
