Grýziia sońǵy jeti kúnde 100 myń adamǵa shaqqanda bir táýlikte koronavirýs juqtyrý sany boiynsha álemde birinshi orynda, al adam ólimi boiynsha tórtinshi orynda tur. Bul derekterdi The New York Times keltirdi, dep habarlaidy "Ult aqparat" «Novosti-Grýziia» agenttigine silteme jasap.
Basylymnyń deregine sáikes, Grýziiada aýrý juqtyrýdyń ortasha táýliktik kórsetkishi 3 758 adamdy, al qaitys bolǵandar sany – 36 adamdy quraidy. Grýziia qazir koronavirýstyń tórtinshi tolqynynda tur. Sońǵy 24 saǵatta elde 5697 adam aýrýǵa shaldyǵyp, 54 adam COVID-19-dan kóz jumdy. Bul pandemiia bastalǵan ýaqyttyń ishindegi rekordtyq kórsetkish.
Dúisenbi kúni bilik jańa shekteýler engiziletinin jariialady. 10 tamyzdan bastap elde tek jabyq keńistikte emes, 5 adam jinalatyn ashyq aýada da maska taǵý mindetteldi. Úilený toiyna, jerleý rásimine, mereitoilar men basqa da sharalarǵa salynǵan tyiym qatty qadaǵalanady. Sondai-aq, túngi ýaqytta klýbtar men meiramhanalardyń jumysyna ruqsat etilmeidi.
Vaktsinanyń tek bir dozasyn alǵandar sany 7 tamyzda 664 997 adamǵa jetti. Bul Grýziia halqynyń 17,8%-yn ǵana quraidy. Eki dozasyn da 204 234 azamat (5,3%) aldy.
