فوتو: elements.envato.com
سەنبٸدە عىلىم جەنە جوعارى بٸلٸم مينيسترلٸگٸنٸڭ رەسمي سايتىندا جەنە ەلەۋمەتتٸك جەلٸلەرٸندە 2023-2024 وقۋ جىلىنا ارنالعان بٸلٸم گرانتى يەگەرلەرٸنٸڭ تٸزٸمٸ جارييالاندى. بيىل گرانتتاردى تاعايىنداۋ كونكۋرسىنا قاتىسۋ ٷشٸن 94 مىڭ تالاپكەر قۇجات تاپسىرعان. بۇل ٶتكەن جىلمەن سالىستىرعاندا 14 مىڭعا ارتىق.
وسى ورايدا بۇرىنعى وقۋ-اعارتۋ مينيسترٸ اسحات ايماعامبەتوۆ گرانتقا يە بولا الماعاندارعا ارنالعان كٶپ مٷمكٸندٸك بار ەكەنٸن ايتىپ, ەلەۋمەتتٸك جەلٸدەگٸ پاراقشاسىندا ارنايى جازبا جارييالادى, - دەپ حابارلايدى "ۇلت اقپارات".
"كوممەنتتەردە جەنە جەكەمە دە وسىنداي سۇراق كٶپ قويىلىپ جاتىر. سوندىقتان قىسقاشا ٶز ويىمدى جازايىن. باستىسى ەلٸ دە گرانتتى جەڭٸپ الۋعا مٷمكٸندٸك بار. نەگە?
بٸرٸنشٸدەن, يگەرٸلمەگەن بٸرنەشە مىڭ گرانت قايتادان ٷلەستٸرٸلەدٸ. ياعني گرانت العان تالاپكەرلەردەن كەيٸن تۇرعان تالاپكەرلەرگە ۇبت-دا جيناعان ۇپاي سانىنا سەيكەس بەرٸلەدٸ. سونى كٷتۋگە بولادى. ەكٸنشٸدەن, ەكٸمدٸكتەردٸڭ گرانتتارى بار. بٸرنەشە مىڭ گرانت جەرگٸلٸكتٸ بيۋدجەتتەن بٶلٸنەدٸ. ٷشٸنشٸدەن, «قازاقستان حالقىنا» قورىنىڭ گرانتتارى تاعى بار. تٶرتٸنشٸدەن, كەيبٸر تالاپكەرلەر تٷرلٸ سەبەپ بويىنشا جەڭٸپ العان گرانتتارىنان باس تارتادى. ولاردىڭ سانى دا از بولمايدى. ول گرانتتار دا قايتا تاعايىندالادى. بەسٸنشٸدەن, تٸپتٸ ەشتەڭە بولماسا, ۋنيۆەرسيتەتكە اقىلى تٷردە تٷسٸپ, كەيٸن جاقسى وقىپ, GPA جوعارى بولسا, بٸلٸم الۋ كەزٸندە بوساعان بوس گرانتتى ۇتىپ الۋعا بولادى. التىنشىدان, "gap year" الىپ, بٸر جىل دايىندالىپ قايتادان ۇبت تاپسىرىپ گرانتتى جەڭٸپ الۋعا بولادى. ول - مەنٸڭ ٶز باسىمنان ٶتكەن وقيعا. بۇل دا جاقسى شەشٸم. جەتٸنشٸدەن, كوللەدجگە تٷسۋگە بولادى. كوللەدجدە گرانت كٶپ, قاجەتتٸ ماماندىقتار بويىنشا كوللەدج بٸتٸرگەندەر نارىقتا تاپشى. كەرەك بولسا, بٸرازدان كەيٸن ەرٸ قاراي جوو-عا تٷسٸپ, قىسقا مەرزٸمدە جوعارى بٸلٸم الىپ شىعۋعا دا بولادى.
كٶرٸپ وتىرعاندارىڭىزداي مٷمكٸندٸكتەر ٶتە كٶپ. بەرٸ ەلٸ الدا. تولىق مەلٸمەت الۋ ٷشٸن ۋنيۆەرسيتەتتەردٸڭ قابىلداۋ كوميسسيياسىنا جولىعۋ كەرەك" - دەپ جازدى ەكس-مينيستر.
