قازاقستاندىق بوكسشى گەنناديي گولوۆكين (38-1-1, 34 كو) كانادالىق ستيۆ روللسپەن (19-0, 10 كو) جەكپە-جەگٸ الدىندا باسپاسٶز مەسليحاتىن ٶتكٸزدٸ, دەپ حابارلايدى Sports.kz سايتى.
«Madison Square Garden»-گە قايتا ورالعانىما قۋانىشتىمىن. تاعى بٸر مٷمكٸندٸكتٸڭ تۋعانىنا رازىمىن. بۇل - مەن ٷشٸن عانا ەمەس, بارلىق بوكس ٷشٸن تاماشا جاعداي, ەلەۋلٸ وقيعا. جانكٷيەرلەرٸمە ٶز تەجٸريبەمدٸ كٶرسەتەمٸن. دۇرىس ايتاسىزدار, كٶپ ۋاقىت رينگتەن قالىس قالدىم. بٸراق مەن اناعۇرلىم مىقتى, اناعۇرلىم اقىلدى بولىپ ورالدىم! بارشاڭىزعا العىس ايتقىم كەلەدٸ, DAZN - مەن ٷشٸن ٷلكەن كەلٸسٸمشارت. جانىمدا سەنٸمدٸ ادامداردىڭ بارىن سەزٸنۋ كەرەمەت. روللس - مىقتى بوكسشى, ال بۇل - قاۋٸپتٸ سپورت. سەنبٸ كٷنٸ ناعىز ايقاس, جاڭا شوۋ بولادى!», - دەدٸ گولوۆكين.
ەسكە سالايىق, گولوۆكين-روللس جەكپە-جەگٸ 8 ماۋسىم كٷنٸ نيۋ-يورك قالاسىنداعى «Madison Square Garden» ارەناسىندا ٶتەدٸ. كەزدەسۋ ارالىق سالماق - 164 فۋنتتا ٶتەدٸ. گەنناديي ٷشٸن بۇل كەزدەسۋ ەكٸ سەبەپپەن ەرەكشە بولماق. بٸرٸنشٸدەن, جاڭا باپكەرٸ دجوناتان بەەنكسپەن العاشقى ايقاسى. ەكٸنشٸدەن, جۋىردا تيٸمدٸ كەلٸسٸمشارتقا قول قويعان DAZN ستريمينگٸلٸك پلاتفورماسىنداعى تۇڭعىش جەكپە-جەگٸ.
بۇعان دەيٸن بوكسشىلار نيۋ-يورك كٶشەسٸندە كٶز ارباسۋ رەسٸمٸن ٶتكٸزدٸ. سونداي-اق GGG بولاشاقتاعى جوسپارىمەن بٶلٸسكەن بولاتىن.
بوكس كەشٸن قازاقستاندىقتار «Qazsport» تەلەارناسىنان تٸكەلەي ەفيردەن كٶرە الادى. باستالۋى - 9 ماۋسىم, نۇر-سۇلتان قالاسىنىڭ ۋاقىتىمەن تاڭعى ساعات 06:00.
ايتا كەتەيٸك, كەشتٸڭ اندەركاردىندا قازاقستاندىقتار ەلي احمەدوۆ امەريكالىق ماركۋس ماكدەنيەلمەن (15-0, 2كو), باحتييار ەيۋبوۆ اقش-تىڭ تاعى بٸر ٶكٸلٸ برايان سەبالومەن (8-0, 4كو) كەزدەسەدٸ
