قازاقستاندا گيدتەردٸڭ, ەكسكۋرسييا جٷرگٸزۋشٸلەرٸنٸڭ جەنە تۋريزم نۇسقاۋشىلارىنىڭ قىزمەتٸن رەتتەيتٸن بٸرىڭعاي قاعيدالار بەكٸتٸلدٸ. جاڭا قۇجات تۋريستەرگە كٶرسەتٸلەتٸن قىزمەتتٸڭ ساپاسىن ارتتىرۋعا, مامانداردىڭ جاۋاپكەرشٸلٸگٸن ناقتىلاۋعا جەنە ساياحاتتاردىڭ قاۋٸپسٸزدٸگٸن كٷشەيتۋگە باعىتتالعان, دەپ حابارلايدى ult.kz.
قاعيدالارعا سەيكەس, گيدتەر, ەكسكۋرسييا جٷرگٸزۋشٸلەرٸ مەن تۋريزم نۇسقاۋشىلارى تۋريستەرگە سەنٸمدٸ ەرٸ ناقتى اقپارات بەرۋگە, ساپار بارىسىندا ولاردى الىپ جٷرۋگە جەنە قاۋٸپسٸزدٸك تالاپتارىنىڭ ساقتالۋىن قامتاماسىز ەتۋگە مٸندەتتٸ. سونداي-اق قۇجاتتا وسى ٷش ماماندىقتىڭ قىزمەت اياسى ناقتى اجىراتىلعان.
ەندٸ گيد, ەكسكۋرسييا جٷرگٸزۋشٸسٸ نەمەسە تۋريزم نۇسقاۋشىسى رەتٸندە جۇمىس ٸستەۋ ٷشٸن قازاقستان رەسپۋبليكاسىنىڭ ازاماتى بولۋى جەنە eLicense.kz پورتالى ارقىلى قىزمەتٸن باستاعانى تۋرالى حابارلاما جٸبەرۋٸ قاجەت. سونىمەن قاتار ماماندار ٶزدەرٸنە قولايلى ۇيىمدىق-قۇقىقتىق نىساندى دەربەس تاڭداي الادى. قازٸرگٸ ۋاقىتتا ولاردى ٶزٸن-ٶزٸ جۇمىسپەن قامتىعان ازاماتتاردىڭ قىزمەت تٷرلەرٸ تٸزٸمٸنە ەنگٸزۋ جۇمىستارى جٷرگٸزٸلٸپ جاتىر.
تۋريزم جەنە سپورت مينيسترلٸگٸ كەلٸپ تٷسكەن حابارلامالار نەگٸزٸندە گيدتەردٸڭ, ەكسكۋرسييا جٷرگٸزۋشٸلەرٸنٸڭ جەنە تۋريزم نۇسقاۋشىلارىنىڭ مەملەكەتتٸك ەلەكتروندى تٸزٸلٸمٸن قالىپتاستىرادى. بۇل تٸزٸلٸم مينيسترلٸك پەن «Kazakh Tourism» ۇلتتىق كومپانيياسىنىڭ رەسمي سايتتارىندا جارييالانىپ, تۋريستەرگە زاڭدى تٷردە قىزمەت كٶرسەتەتٸن مامانداردى تاڭداۋعا مٷمكٸندٸك بەرەدٸ.
قۇجاتتا تۋريستەردٸڭ قاۋٸپسٸزدٸگٸنە ەرەكشە مەن بەرٸلگەن. جاڭا تالاپتارعا سەيكەس, ماماندار ساپار باستالعانعا دەيٸن تۋريستەرگە مارشرۋتتىڭ ەرەكشەلٸكتەرٸ مەن ىقتيمال قاۋٸپ-قاتەرلەر تۋرالى تولىق اقپارات بەرۋگە مٸندەتتٸ. ال ەگەر باعىت ادام ٶمٸرٸ مەن دەنساۋلىعىنا قاۋٸپ تٶندٸرۋٸ مٷمكٸن بولسا, تۋريست تەۋەكەلدەرمەن تانىسقانى تۋرالى جازباشا تٷردە راستاۋى قاجەت.
بۇدان بٶلەك, تٶتەنشە جاعداي تۋىنداعان كەزدە گيدتەر ۋەكٸلەتتٸ مەملەكەتتٸك ورگانداردى جەنە تۋريستەردٸڭ جاقىندارىن جەدەل حاباردار ەتۋگە مٸندەتتٸ بولادى.
مينيسترلٸكتٸڭ مەلٸمەتٸنشە, جاڭا قاعيدالاردىڭ قابىلدانۋى تۋريزم سالاسىن قۇقىقتىق تۇرعىدان جەتٸلدٸرۋگە, كەسٸبي ستاندارتتاردى قالىپتاستىرۋعا, قىزمەت كٶرسەتۋ ساپاسىن ارتتىرۋعا جەنە قازاقستاندا ٸشكٸ ەرٸ كەلۋ تۋريزمٸنٸڭ دامۋىنا وڭ ىقپال ەتەدٸ.
