سوڭعى ايقاسىندا گەنناديي گولوۆكيندٸ جەڭگەن مەكسيكالىق ەلەم چەمپيونى (ورتاشا سالماقتاعى WBC/WBA (Super) نۇسقاسى بويىنشا) ساۋل «كانەلو» الۆارەس IBF تيتۋلىنىڭ يەگەرٸ دەنيەل دجەيكوبسپەن كەزدەسۋ ٶتكٸزەتٸنٸ رەسمي تٷردە جارييالاندى, دەپ حابارلايدى "ۇلت اقپارات".
«Golden Boy» پروموۋتەرلٸك كومپانيياسىنىڭ تۋيتتەردەگٸ پاراقشاسىندا حابارلانعانداي, كەزدەسۋ 4 مامىر كٷنٸ ٶتەدٸ. ەزٸرگە ەكٸ بوكسشىنىڭ قايدا كەزدەسەتٸنٸ بەلگٸسٸز. ايقاس استانا ۋاقىتى بويىنشا 5 مامىر كٷنٸ تاڭەرتەڭگٸ ۋاقىتقا بەلگٸلەنگەن.
ەسكە سالا كەتسەك, مەكسيكالىقپەن كەزدەسكەلٸ وتىرعان دەنيەل دجەيكوبس قازاقستاندىق كەسٸپقوي بوكسشى گەنناديي گولوۆكينمەن 2017 جىلدىڭ ناۋرىز ايىندا جۇدىرىقتاسقان بولاتىن. 12 راۋندقا دەيٸن GGG-دٸڭ قارقىنىنا شىداس بەرگەنٸمەن امەريكالىق تٶرەشٸلەردٸڭ شەشٸمٸ بويىنشا جەڭٸلٸس تاپقان ەدٸ.
ال ٶتكەن جىلدىڭ قىركٷيەك ايىندا امەريكا قۇراما شتاتتارىنىڭ لاس ۆەگاس قالاسىنداعى T-Mobile Arena-دا قازاقستاندىق بوكسشى گەنناديي گولوۆكين (38-0-1, 34 كو) مەن مەكسيكالىق ساۋل الۆارەستٸڭ (49-1-2, 34 كو) رەماتچى ٶتٸپ, GGG ٶمٸرٸندە تۇڭعىش رەت جەڭٸلٸستٸڭ اششى دەمٸن تاتقان بولاتىن
