Sońǵy aiqasynda Gennadii Golovkindi jeńgen meksikalyq álem chempiony (ortasha salmaqtaǵy WBC/WBA (Super) nusqasy boiynsha) Saýl «Kanelo» Alvares IBF titýlynyń iegeri Deniel Djeikobspen kezdesý ótkizetini resmi túrde jariialandy, dep habarlaidy "Ult aqparat".
«Golden Boy» promoýterlik kompaniiasynyń Týitterdegi paraqshasynda habarlanǵandai, kezdesý 4 mamyr kúni ótedi. Ázirge eki boksshynyń qaida kezdesetini belgisiz. Aiqas Astana ýaqyty boiynsha 5 mamyr kúni tańerteńgi ýaqytqa belgilengen.
Eske sala ketsek, meksikalyqpen kezdeskeli otyrǵan Deniel Djeikobs qazaqstandyq kásipqoi boksshy Gennadii Golovkinmen 2017 jyldyń naýryz aiynda judyryqtasqan bolatyn. 12 raýndqa deiin GGG-diń qarqynyna shydas bergenimen amerikalyq tóreshilerdiń sheshimi boiynsha jeńilis tapqan edi.
Al ótken jyldyń qyrkúiek aiynda Amerika Qurama Shtattarynyń Las Vegas qalasyndaǵy T-Mobile Arena-da qazaqstandyq boksshy Gennadii Golovkin (38-0-1, 34 KO) men meksikalyq Saýl Alvarestiń (49-1-2, 34 KO) rematchy ótip, GGG ómirinde tuńǵysh ret jeńilistiń ashy dámin tatqan bolatyn
