SARS-CoV-2 كوروناۆيرۋسىن پاندەمييا باستالعالى بەرٸ ەلەمدە 39 ميلليون ادام جۇقتىرعان. ونىڭ 1,09 ميلليونى كٶز جۇمسا, 29 ميلليون ادام ٸندەتتەن جازىلىپ شىقتى, دەپ حابارلايدى قازاقپارات Deutsche Welle اقپارات كٶزٸنە سٸلتەمە جاساپ.
بەلگييادا SARS-CoV-2 جۇقتىرۋدىڭ تەۋلٸكتٸك ٶسٸمٸنٸڭ انتيرەكوردى تٸركەلدٸ. جۇقتىرعانداردىڭ سانى – 7481.
100 مىڭ ادامعا ەسەپتەگەندە كوروناۆيرۋسقا شالدىققاندار سانى سوڭعى ەكٸ اپتادا 494 ادامدى قۇرادى (ەل استاناسى بريۋسسەلدە - 880). پاندەمييا باستالعالى بەلگييادا ينفەكتسييانى جۇقتىرعان ازاماتتاردىڭ جالپى سانى 181,5 مىڭعا جەتكەن.
گرۋزييانىڭ باتىسىنداعى تبيليسي مەن يمەرەتيدە 16 قازاننان باستاپ كوروناۆيرۋسپەن كٷرەستٸڭ جاڭا شارالارى كٷشٸنە ەنەدٸ. اتاپ ايتقاندا, ەلدەگٸ مەيرامحانالار مەن ويىن-ساۋىق مەكەمەلەرٸ ساعات 22.00-دەن كەيٸن جۇمىسىن توقتاتادى. ال مەملەكەتتٸك جەنە جەكە كەسٸپورىندارعا جۇمىستى قاشىقتان جٷرگٸزۋگە كەڭەس بەرٸلٸپ جاتىر. كەيٸنگٸ تەۋلٸكتە گرۋزييادا كوروناۆيرۋستى جۇقتىرۋدىڭ رەكوردتى كٶرسەتكٸشٸ تٸركەلٸپ, ٸندەت بٸر كٷندە 919 ادامدى شارپىعان. جالپى ەلدە كوروناۆيرۋسپەن اۋىرعانداردىڭ سانى 14,4 مىڭعا جەتتٸ.
پولشادا كوروناۆيرۋستى جۇقتىرۋدىڭ تەۋلٸكتٸك ٶسٸمٸ 8 مىڭعا جەتتٸ (سوڭعى تەۋلٸكتە 8099 ادام). جاڭا جاعدايلاردىڭ كٶبٸ ەل استاناسى ۆارشاۆانىڭ ماڭايىنداعى ايماقتاردا تٸركەلۋدە. جالپى پولشادا ٸندەتتٸ 149,9 مىڭ ادام جۇقتىرعان.
اۆترييادا بٸر كٷندە 1552 ادام تٸركەلدٸ. وسىلايشا جۇقتىرعانداردىڭ جالپى سانى 60 224-تٸ قۇرادى. قازٸر ۆيرۋستىڭ جاڭا تٷرٸنەن 664 پاتسيەنت ەمدەلٸپ جاتسا, ولاردىڭ 119-ى - جانساقتاۋ بٶلٸمٸندە.
چەحييادا دا كوروناۆيرۋسقا شالدىعۋدىڭ تەۋلٸكتٸك ٶسٸمٸ جاعىنان انتيرەكورد تٸركەلدٸ. سوڭعى 24 ساعاتتىڭ ٸشٸندە بۇل ەلدە كوروناۆيرۋس ينفەكتسيياسى 9544 ادامنان انىقتالعان. بٸرنەشە كٷن بۇرىن عانا ٶسٸم 8325 جاعدايعا جەتكەن ەدٸ. جالپى چەحييادا پاندەمييا باستالعالى ٸندەت 139 290 ادامدى قۇرساۋىنا العان . بٸر تەۋلٸكتە ۆيرۋستىڭ جاڭا تٷرٸنەن 35 ادام كٶز جۇمىپ, جالپى قايتىس بولعانداردىڭ سانى 1172 بولدى.
ۋكراينادا 15 قازاندا, ياعني بەيسەنبٸ كٷنٸ تاڭەرتەڭ SARS-CoV-2 ۆيرۋسىن جۇقتىرۋدىڭ 5 062 جاڭا جاعدايى تٸركەلدٸ. ول ەلدەگٸ ۇلتتىق قاۋٸپسٸزدٸك جەنە قورعانىس كەڭەسٸنٸڭ كوروناۆيرۋس ەپيدەميياسىنىڭ تارالۋىنا مونيتورينگ جٷيەسٸنٸڭ سايتىندا بۇرىن جۇقتىرعانداردىڭ 73-ٸ قايتىس بولعانى حابارلانعان. ودان بٸر كٷن بۇرىن, ياعني 14 قازاندا ينفەكتسييا 5590 ادامنان انىقتالعان ەدٸ. پاندەمييا باستالعاننان بەرٸ ونداعى جۇقتىرعانداردىڭ سانى بەيسەنبٸ كٷنٸ تاڭەرتەڭگٸ ستاتيستيكا بويىنشا 281 239 ادامدى قۇراعان. COVID-19 ۆيرۋسىنان 5 302 ادام قايتىس بولعان.
گەرمانييادا جۇقتىرعاندار سانىنىڭ كٷن سايىن ٶسٸپ بارا جاتقانى حابارلانىپ وتىر. روبەرت كوح ينستيتۋتىنىڭ مەلٸمەتتەرٸ بويىنشا, سوڭعى تەۋلٸكتەگٸ تەستٸلەر 6638 ادامنىڭ ۆيرۋس جۇقتىرعانىن كٶرسەتكەن. بۇل - ەلدە ەپيدەمييا باستالعاننان بەرگٸ ەڭ جوعارى كٶرسەتكٸش. بۇعان دەيٸن كوروناۆيرۋستىڭ جاڭا تٷرٸن جۇقتىرۋدىڭ ەڭ كٶپ جاڭا جاعدايى 28 ناۋرىزدا (6294) تٸركەلگەن بولاتىن. جالپى گەرمانييادا ەپيدەمييا باستالعاننان بەرٸ 341 223 ادامنان SARS-CoV-2 ينفەكتسيياسى انىقتالعان. 9710 پاتسيەنت قايتىس بولعان. Worldometer پورتالىنىڭ حابارلاۋىنشا, بارلىعى 284 600 ادام ساۋىعىپ كەتكەن.
پورتۋگالييا جاڭا تيپتەگٸ ۆيرۋستى جۇقتىرعاندار سانىنىڭ ارتۋىنا بايلانىستى تٶتەنشە جاعداي رەجيمٸن ەنگٸزٸپ جاتىر. قاۋلىنىڭ كٷشٸندە تۇراتىن مەرزٸمٸ 15 كٷنگە ەسەپتەلگەن. ليسسابوندا ٶتكەن ٷكٸمەت وتىرىسىندا پرەمەر-مينيستر انتونيو كوشتا ايتقانداي, قاۋلى بيلٸككە ازاماتتاردىڭ جٷرۋٸنە جەنە قوعامدىق ٶمٸردە شەكتەۋ قويۋعا مٷمكٸندٸك بەرەدٸ. كٶپشٸلٸك جينالىستارعا بەس ادامنان, ال جەكە كەشتەردە 50-دەن ارتىق ادام جينالماۋى كەرەك. قاۋلىنى ەلٸ دە ەلدەگٸ پارلامەنت - رەسپۋبليكا كەڭەسٸ ماقۇلداۋى كەرەك. 14 قازاننىڭ ٶزٸندە پورتۋگالييادا ۆيرۋس جۇقتىرعانداردىڭ سانى 2072-گە جەتتٸ. بۇل - پاندەمييا باستالعاننان بەرگٸ ەڭ جوعارى كٶرسەتكٸش.
اقش-تا كوروناۆيرۋسقا شالدىققاندار سانى 53 609 ادام جەتٸپ, ولاردىڭ جالپى سانى 7,95 ملن ادامعا جاقىندادى. جالپى اتالمىش ەلدە كوروناۆيرۋستان كٶز جۇمعانداردىڭ سانى 216 650 ادامعا جەتكەن. بۇل – پاندەمييا باستالعالى New York Times باسىلىمىنىڭ جٷرگٸزٸپ كەلە جاتقان ساناعى.
اقش پرەزيدەنتٸ دونالد ترامپتىڭ كەنجە ۇلى - 14 جاستاعى باررون كوروناۆيرۋس جۇقتىرىپ الدى. بۇل تۋرالى ونىڭ اناسى, اقش-تىڭ بٸرٸنشٸ حانىمى مەلانييا حابارلادى. ونىڭ ايتۋىنشا, تەستتەن ٶتكەننەن كەيٸن ۇلىنان ۆيرۋستىڭ جاڭا تيپٸ انىقتالعان. الايدا ۇلىنىڭ بويىندا اۋرۋدىڭ ەشقانداي بەلگٸسٸ بايقالماعان. «باقىتىمىزعا وراي, ول مىعىم جاسٶسپٸرٸم» دەپ قوستى اق ٷي باسشىسىنىڭ ەيەلٸ.
برازيلييادا ٶتكەن تەۋلٸكتە تاعى 749 ادام كوروناۆيرۋستان قايتىس بولدى. ەلدٸڭ دەنساۋلىق ساقتاۋ مينيسترلٸگٸنٸڭ مەلٸمەتتەرٸنشە, اۋرۋ جۇقتىرعان ادامداردىڭ سانى سوڭعى تەۋلٸكتە 27235 ادامعا كٶبەيٸپ, جالپى جۇقتىرعانداردىڭ سانى 5 140 863-كە جەتكەن. برازيلييادا كوروناۆيرۋس ينفەكتسيياسىنىڭ سالدارىنان بارلىعى 151 747 ادام قايتىس بولعان. Worldometer مەلٸمەتٸ بويىنشا برازيلييا كوروناۆيرۋستىڭ ٶلٸمٸ بويىنشا ەلەمدە اقش-تان كەيٸن ەكٸنشٸ, ينفەكتسييالار سانى بويىنشا اقش پەن ٷندٸستاننان كەيٸنگٸ ٷشٸنشٸ ورىندا تۇر.
