رەسەي ٷكٸمەتٸ كاپيتالىندا مەملەكەتتٸڭ ٷلەسٸ بار "روسنەفت" مۇناي كومپانيياسىنىڭ ديرەكتورلار كەڭەسٸ قۇرامىنا گەرمانييانىڭ ەكس-كانتسلەرٸ گەرحارد شرەدەردٸ ەنگٸزٸپ, اكتسيونەرلٸك كومپانييانىڭ تەۋەلسٸز ديرەكتورى ەتٸپ تاعايىنداۋدى ۇسىنعان, دەپ حابارلايدى "ۇلت اقپارات" ازاتتىققا سٸلتەمە جاساپ.
شرەدەر رەسەي پرەزيدەنتٸ ۆلاديمير پۋتينمەن قارىم-قاتىناسى جاقىن تۇلعا سانالادى. "روسنەفت" كومپانيياسى ديرەكتورلار كەڭەسٸ مٷشەلەرٸنٸڭ سانىن 9-دان 11-گە دەيٸن ۇلعايتۋدى جوسپارلاپ وتىر دەپ حابارلاندى.
قازٸر شرەدەر رەسەيلٸك "گازپروم" كومپانيياسىنىڭ بٶلٸمشەسٸ Nord Stream AG كومپانيياسى اكتسيونەرلەر كوميتەتٸن باسقارادى. Nord Stream AG رەسەي گازىن بالتىق تەڭٸزٸنٸڭ تٷبٸمەن گەرمانيياعا جەتكٸزۋگە ارنالعان قۇبىر جوباسى قۇرىلىسىن سالۋ ٷشٸن قۇرىلعان.
مەسكەۋ قىرىم تٷبەگٸن اننەكسييالاپ, ۋكراينانىڭ شىعىسىنداعى رەسەيشٸل سەپاراتيستەرگە قولداۋ كٶرسەتكەنٸ ٷشٸن رەسەيگە باتىس ەلدەرٸ سالعان سانكتسيياعا "روسنەفت" كومپانيياسى دا ٸلٸككەن.
سوتسيال-دەموكرات گەرحارد شرەدەر 1998 جىلدان 2005 جىلعا دەيٸن گەرمانييا كانتسلەرٸ بولعان. 2014 جىلعى سەۋٸردە ۋكرايناعا قاتىستى مەسەلە شيەلەنٸسٸپ كەتكەن تۇستا شرەدەر 70 جاسقا تولعانىن رەسەيدٸڭ سانكت-پەتەربۋرگ قالاسىنداعى يۋسۋپوۆ سارايىندا اتاپ ٶتكەن ەدٸ. ول "روسنەفت" كومپانيياسىنا سانكتسييا سالۋدى قۇپتامايتىنىن ايتقان.
