قر پارلامەنت مەجٸلٸسٸنٸڭ دەپۋتاتى گەنناديي شيپوۆسكيح لاتىن ەلٸپبيٸ ٶز تٸلٸن بٸلمەيتٸن قازاقتارعا قازاق تٸلٸن ٷيرەنۋگە كەرەمەت مٷمكٸندٸك ەكەنٸن ايتتى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«ەلباسىمىزدىڭ سەۋٸردە شىققان «رۋحاني جاڭعىرۋ» باعدارلاماسىندا حالقىمىزدىڭ سالت-دەستٷرٸن جاڭعىرتاتىنداي ٷلكەن باعىتتار بەرٸلدٸ. ونىڭ ٸشٸندەگٸ ەڭ ٷلكەن جۇمىستىڭ بٸرٸ - لاتىن ەلٸپبيٸنە كٶشۋ. بٸز لاتىن ەلٸپبيٸنە كٶشپەيمٸز - ورالامىز. سەبەبٸ, ٶزدەرٸڭٸز بٸلەتٸندەي, 1929 جىلدان باستاپ 1940 جىلعا دەيٸن بٸز لاتىن ەلٸپبيٸن پايدالانىپ كەلدٸك. الايدا بەلگٸلٸ ساياسي سەبەپتەرمەن كيريلل قارپٸنە اۋىستىق. قوعام وسى تالقىلاۋدىڭ اياسىندا بٸرٸكتٸ. ەلٸپبيدٸڭ ەكٸنشٸ نۇسقاسىن العاشقىسىنان گٶرٸ قولداۋشىلاردىڭ باسىم ەكەنٸن باقىلاپ وتىرمىز. بەرٸ دە بٸرتە-بٸرتە ورىندالادى. سوندىقتان, ورتاق جۇمىستى بٸرلەسٸپ, جۇمىلا شەشكەن وڭاي دەگەن ويدامىن», - دەيدٸ پارلامەنت مەجٸلٸسٸنٸڭ دەپۋتاتى استانادا ٶتكەن «جاڭا ەلٸپبي - جاڭعىرۋ جولى» تاقىرىبىنداعى دٶڭگەلەك ٷستەلدە.
گەنناديي شيپوۆسكيحتٸڭ ايتۋىنشا, توقسانىنشى جىلدارداعى قيىن كەزەڭدەردە ەلٸپبيدٸ اۋىستىرۋ جۇمىسىن كٶپشٸلٸك ويلاي قويعان جوق. سەبەبٸ, دەل سول كەزدە قازاقستاننىڭ الدىندا زاماننىڭ ٶزگە دە تالاپتارى تۇر ەدٸ.
«الايدا 25 جىل ٶتكەن سوڭ دەل وسى كەزەڭدە ەلٸپبيدٸ اۋىستىراتىن ۋاقىت كەلدٸ دەگەنگە كەمٸل سەنەمٸن. ەر ادام قازاقستاندا قازاقتىڭ جەرٸن باسىپ جٷرگەننەن كەيٸن قازاق تٸلٸن بٸلۋٸ كەرەك. ەشبٸر تٸلدٸ شەتتەتپەيمٸز. قازاق بولا تۇرا قازاق تٸلٸندە سٶيلەي المايتىندار دا بارشىلىق. لاتىن ەلٸپبيٸ ٶز تٸلٸن بٸلمەيتٸن قازاقتارعا قازاق تٸلٸن مەڭگەرۋدە كەرەمەت مٷمكٸندٸك دەپ ويلايمىن. سەنات تٶراعاسى ايتىپ ٶتكەندەي, بۇل تۇرعىدا قوعامنىڭ پٸكٸرٸن ەسكەرۋٸمٸز كەرەك. سەبەبٸ, اقىلداسىپ پٸشكەن تون كەلتە بولمايدى», - دەيدٸ گەنناديي شيپوۆسكيح.
