الاياقتىق جاسادى دەپ ايىپتالىپ, 6 جىلعا باس بوستاندىعىنان ايىرىلعان گاۋھار ەلٸمبەكوۆانىڭ ادۆوكاتى جۇماعالي زينەلوۆ ٸستٸڭ مەن-جايىن ايتتى, - دەپ حابارلايدى Tengrinews.kz.
ادۆوكات سوت ٷكٸمٸمەن كەلٸسپەيتٸنٸن جەنە اپەللياتسييالىق سوتقا ارىز تٷسٸرەتٸنٸن مەلٸمدەدٸ.
ونىڭ مەلٸمەتٸنشە, ٸس 2013 جىلى بولعان. فەرۋزا ورداباەۆا الماتىداعى "اقكەنت" تۇرعىن ٷي كەشەنٸنەن پەتەر الىپ بەرەمەن دەپ 35 ادامدى الداپ سوققان. "ەكٸمدٸكتەنمٸن" دەگەن ەيەلگە الدانعاندار ٸشٸندە ەلٸمبەكوۆا دا بار.
ورداباەۆا ەنشٸنٸڭ كونتسەرتتەرٸنە بارىپ, جاقىن تانىسقان. گاۋھار ەلٸمبەكوۆا الاياقتىڭ سٶزٸنە سەنٸپ, ٷش تۋىسىنا 40 مىڭ دوللارلىق ٷش پەتەر الىپ بەرٸپتٸ.
بٸر جىل ٶتكەن سوڭ ەنشٸنٸڭ ٷيٸنە كەلگەن قۇربىسى پەتەرگە قىزىعىپ, ورداباەۆامەن تانىسادى. ول دا الاياقتىڭ قولىنا 40 مىڭ دوللار ۇستاتىپ, باسپانالى بولعان.
تٸپتٸ ەنشٸ مەن ارىزدانۋشى نازاروۆا (قۇربىسى -رەد) بٸر پودەزدە تۇرعان. ال كەيٸننەن بۇل ٷي كەلٸسٸمشارتپەن بٶلٸپ تٶلەۋگە ساتىلاتىن 37 ملن تەڭگەنٸڭ ٷيٸ بولىپ شىققان.
ادۆوكاتتىڭ ايتۋىنشا, 40 مىڭ دوللاردى العان الاياق تەك پەتەردٸڭ باستاپقى جارناسىن تٶلەگەن. ارادا ەكٸ جىل ٶتكەندە ٷيدٸ سالعان كومپانييا بۇلاردى قۋىپ شىعادى. پەتەر الۋشىلار اي سايىن 250 مىڭ تەڭگە تٶلەۋ كەرەكتٸگٸن كەلٸسٸمشارتتان وقىماعان. وسىلايشا گاۋھار مەن قۇربىسى نازاروۆا جەنە 35 ادام دالادا قالىپتى.
ارتىنشا زارداپ شەككەندەر ەيەلدٸ ٸزدەپ, سوتقا ارىزدانعان. ال ەلٸمبەكوۆانىڭ قولى بوساماي, ارىز جازباپتى.
"بۇل ٸستە ەنشٸنٸڭ ٶزٸ زارداپ شەكتٸ. ول ٷش بٸردەي ٷيدٸڭ اقشاسىنان ايىرىلىپ وتىر. 2016 جىلى ٸستٸڭ باستى فيگۋرانتى فەرۋزا ورداباەۆا 7 جىلعا سوتتالعان", - دەيدٸ ادۆوكات.
2017 جىلدىڭ سوڭىنا دەيٸن اقشاسىن كٷتكەن ب.نازاروۆا شىدامى تاۋسىلىپ, گاۋھاردىڭ ٷستٸنەن ارىز تٷسٸرٸپتٸ.
ادۆوكاتتىڭ ويىنشا, ايىپتاۋ اكتٸسٸ قاتە شىعارىلعان. ەنشٸنٸڭ كٸنەسٸ مەن پايدا كٶرگەنٸن دەلەلدەيتٸن بٸردە-بٸر قۇجات بولماعان.
"ول الداعىسى كەلگەن ادامعا ٶزٸمەن كٶرشٸ ٷيدٸ الىپ بەرە مە? بۇل لوگيكاعا جاتپايدى", - دەدٸ ادۆوكات.
ەستەرٸڭٸزگە سالا كەتەيٸك, 30 قاڭتار كٷنٸ گاۋھار ەلٸمبەكوۆانىڭ "الاياقتىق" ٷشٸن 6 جىلعا سوتتالعانى بەلگٸلٸ بولدى.
وتاندىق ەنشٸلەر دە جۋرناليستٸڭ سٶزٸنە قولداۋ بٸلدٸرٸپ, گاۋھار ەلٸمبەكوۆاعا كٶمەك كٶرسەتۋگە دايىن ەكەنٸن جەتكٸزدٸ.
