اۋىل شارۋاشىلىعى مينيسترلٸگٸ پايدالانىلماي جاتقان جايىلىم جەردٸ عارىش مونيتورينگٸمەن انىقتاۋ جٷيەسٸن باسقا ٶڭٸرلەرگە ەنگٸزۋ مەسەلەسٸن پىسىقتاپ جاتىر, دەپ حابارلايدى قازاقپارات.
«بٷگٸنگٸ تاڭدا قازاقستاندا اۋىل شارۋاشىلىعى جەرلەرٸنٸڭ جالپى الاڭى 202 ملن گەكتاردى قۇرايدى. ونىڭ ٸشٸندە اۋىل شارۋاشىلىعىنا پايدالانىلاتىنى – 106,4 ملن گەكتار. بوسالقى جەرلەر – 96,7 ملن گەكتار (47,8%). ياعني اۋقىمدى جەر پايدالانۋشىلارعا بەكٸتٸلٸپ بەرٸلمەگەن. بٸزدٸڭ نەگٸزگٸ مٸندەتٸمٸز – پايدالانىلماي جاتقان بارلىق اۋىل شارۋاشىلىعى جەرلەرٸن ەكونوميكالىق اينالىمعا تارتىپ, ولاردى ۇتىمدى پايدالانۋ», - دەدٸ اۋىل شارۋاشىلىعى مينيسترٸ ساپارحان وماروۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا پايدالانىلمايتىن اۋىل شارۋاشىلىعى جەرلەرٸن انىقتاۋ جەنە ولاردى ۇتىمدى پايدالانۋ ٷشٸن 4 وبلىستا (قوستاناي, ماڭعىستاۋ, اقمولا جەنە شىعىس قازاقستان وبلىستارى) ۆەب-پورتالدا جەرلەردٸ عارىشتىق مونيتورينگٸلەۋ دەرەكتەرٸ پايدالانىلاتىن پيلوت جوبا ٸسكە اسىرىلۋدا. وسى رەتتە بٸرٸنشٸ كەزەكتە جايىلىم القاپتارى پىسىقتالدى. بۇل «مەملەكەتتٸك جەر كاداسترىنىڭ اۆتوماتتاندىرىلعان اقپاراتتىق جٷيەسٸ» مەن «اۋىل شارۋاشىلىعى جانۋارلارىن بٸردەيلەندٸرۋ» ۆەب-پورتالدارىنداعى دەرەكقورلاردى ينتەگراتسييالاۋ جولىمەن ٸسكە اسىرىلعان. ياعني, جٷيە بەلگٸلەنگەن نورماتيۆتەرگە سەيكەس جايىلىمدىق القاپتاردىڭ اۋىل شارۋاشىلىعى جانۋارىنىڭ بٸر شارتتى باسىنا ارنالعان جٷكتەمەسٸن اۆتوماتتى تٷردە سالىستىرىپ, تەكسەرەدٸ.
«مەسەلەن, عارىشتىق مونيتورينگتەۋدٸڭ بٸرٸنشٸ كەزەڭٸنٸڭ دەرەكتەرٸ بويىنشا پيلوتتىق ٶڭٸرلەردە 7,7 ملن گەكتار الاڭدا پايدالانىلماي جاتقان جايىلىمدىق القاپ انىقتالدى. ولار بويىنشا مىناداي شارالار قابىلداندى: 3026 سۋبەكتٸگە جالپى الاڭى 4,83 ملن گەكتارداعى بۇزۋشىلىقتاردى جويۋ تۋرالى حابارلاما جولداندى. اۋىل شارۋاشىلىعى جانۋارلارىن بٸردەيلەندٸرۋ جەنە تاعى باسقا بازالارداعى دەرەكتەردٸ تٷزەتۋ ارقىلى 1,1 ملن گەكتار سەيكەستەندٸرٸلدٸ. 2,6 ملن گەكتار جايىلىم مەملەكەت مەنشٸگٸنە قايتارىلدى», - دەدٸ ول.
ەكٸنشٸ كەزەڭدە پيلوتتىق ٶڭٸرلەردە پايدالانىلمايتىن ەگٸستٸكتەردٸ انىقتاۋ جٷرگٸزٸلٸپ, ول بويىنشا 48,7 مىڭ گەكتار انىقتالعان. تٷپكٸلٸكتٸ نەتيجەلەر 2020 جىلدىڭ 1 قاراشاسىنا قاراي دايىن بولادى.
«عارىشتىق مونيتورينگتٸڭ بارلىق دەرەكتەرٸ ۆەب-پورتالدا كٶرسەتٸلەدٸ, ولار ەلەكتروندىق كارتادا بەلگٸلەنگەن تٷرلٸ-تٷستٸ شارتتى بەلگٸلەرٸمەن بٸرگە قاراۋ ٷشٸن قولجەتٸمدٸ. پيلوتتىق جوبا سەتتٸ ٸسكە اسقان جاعدايدا, بۇل تەجٸريبە باسقا ٶڭٸرلەردە دە قولدانىلادى», - دەيدٸ ساپارحان وماروۆ.
