استانا قالاسىنىڭ تٸلدەردٸ دامىتۋ جەنە ارحيۆ ٸسٸ باسقارماسىنىڭ ۇيىمداستىرۋىمەن قر ۇلتتىق اكادەمييالىق كٸتاپحاناسىندا اباي قۇنانبايۇلىنىڭ شىعارماشىلىعىنا ارنالعان «مەن جازبايمىن ٶلەڭدٸ ەرمەك ٷشٸن» اتتى دٶڭگەلەك ٷستەل وتىرىسى ٶتتٸ, دەپ حابارلايدى استانا قالاسى ەكٸمدٸگٸنٸڭ رەسمي سايتى.
اتالعان ٸس-شارادا ابايدىڭ 1888 جىلى جازىلعان 27 شىعارماسىنىڭ (بۇل شىعارمالارعا بيىل 130 جىل) تاريحى ايتىلىپ, تانىمال ٶنەر ادامدارىنىڭ ورىنداۋىندا ەندەرٸ شىرقالدى. وسى 27 ٶلەڭنٸڭ سەگٸزٸ اۋدارما.
«وسى جىلى جازعان ابايدىڭ ٶلەڭدەرٸن بٸز 4 بۋىنعا بٶلٸپ قارادىق. اباي «كٷلەمبايعا», «بولىس بولدىم مٸنەكي», «ەسەتكە», «مەز بولادى بولىسىڭ» سيياقتى سىن ٶلەڭدەرٸنە 130 جىل تولادى. اباي شىعارماسىندا بٸرٸنشٸ ابايدىڭ سىنعا, ساتيراعا جازىلعان ٶلەڭدەرٸن ايتا الماي جٷرمٸز. ەكٸنشٸ ەلەم ەدەبيەتٸن بٸزدٸڭ ەدەبيەتكە ەكەلۋٸ, ٷشٸنشٸ ەندەرٸ, تٶرتٸنشٸ عاشىقتىق جىرلارىنىڭ بۋىن, ستيل ەرەكشەلٸكتەرٸن ايتا الماۋدامىز», - دەدٸ «ابايتانۋ» عىلىمي-تانىمدىق ورتالىعىنىڭ ديرەكتورى, اقىن الماحان مۇحامەدقاليقىزى.
كەشتٸڭ اشىلۋىندا «قازىعۇرت» كينوستۋديياسى تٷسٸرگەن «اباي» فيلمٸنەن ٷزٸندٸ كٶرسەتٸلٸپ, ابايدىڭ «سەگٸزاياق» ەنٸنٸڭ بٸر نۇسقاسى تىڭدالدى.
دٶڭگەلەك ٷستەل وتىرىسىندا سٶز العان فيلوسوفييا عىلىمىنىڭ دوكتورى, اكادەميك عاريفوللا ەسٸم اباي ٶلەڭدەرٸنٸڭ, ەندەرٸنٸڭ قۇرىلىمىنا, اقىننىڭ ايتپاق ويىنا كەڭٸنەن توقتالدى.
«اباي تۋرالى كٶزقاراس كٶپ. اباي ٶزٸ «سەگٸزاياق» ٶلەڭٸندە ايتقان. «بٸلگەنگە - مارجان, بٸلمەسكە - ارزان, ناداندار بەھرا الا الماس» دەپ. بٸلگەن ادامعا اباي كەرەك, ول - مارجان, بٸلمەگەنگە كەرەك ەمەس, ول - ارزان. اباي ٶزٸ ايتقان. «يتكە مارجان نە كەرەك?» دەپ. اباي ٶزٸنە كٷيە جاققىشتارعا ٶزٸ جاۋاپ بەرگەن. مارجان ويلاردى ايتۋ ٷشٸن ول ادام مٸندەتتٸ تٷردە سىنشىل بولادى. سٸزدەردٸڭ ساتيرا دەپ وتىرعاندارىڭىز - سىنشىلدىق. اباي - سىنشىل ادام, ول ٶزٸنەن باستاپ سىناعان. حالىقتىڭ مٸنەزٸ ۇساقتالىپ كەتتٸ - اباي وسى ۇساقتىقتى سىنادى. حالىقتا كٸسٸلٸك قالماي بارا جاتقانىن سىناعان. ابايدىڭ ساتيراسى بار قازاقتىڭ تاعدىرىن قوزعايدى», - دەدٸ عاريفوللا ەسٸم.
اكادەميكتٸڭ ايتۋىنشا, اباي پوەزيياعا, حالىقتىڭ ويلاۋ جٷيەسٸنە, سىنشىلدىققا, ەن ٶنەرٸنە رەفورما جاساعان ادام. ابايدىڭ ەندەرٸ بٸر ەلەم.
دٶڭگەلەك ٷستەلدەگٸ وتىرىسقا ابايتانۋشى عالىمدار مەن اباي ەندەرٸن ورىنداۋشى ەنشٸلەر, زييالى قاۋىم ٶكٸلدەرٸ, جالپى كٶرەرمەن قاۋىم قاتىستى. سونىمەن قاتار, «تاتيانانىڭ قىرداعى ەنٸ», «ايتتىم سەلەم قالامقاس» ەندەرٸ ورىندالدى.
