ۇلتتىق قۇرامانىڭ باس باپكەرٸ ستانيمير ستويلوۆ قىزمەتٸنەن كەتتٸ, دەپ حابارلايدى قفف باسپاسٶز قىزمەتٸ.
«قازاقستان فۋتبول فەدەراتسيياسى مەن ۇلتتىق قۇرامانىڭ باس باپكەرٸ ستانيمير ستويلوۆ ەكٸ جاقتى كەلٸسٸم بويىنشا ەڭبەك شارتىن ٷزدٸ. بولگارييالىق مامان ستانيمير ستويلوۆ قازاقستان ۇلتتىق قۇراماسىن 2018 جىلدىڭ ناۋرىزىنان بەرٸ باسقارىپ كەلگەن ەدٸ. ونىڭ جەتەكشٸلٸگٸمەن بٸزدٸڭ قۇراما ٷش جولداستىق ماتچ ٶتكٸزٸپ, ۋەفا-نىڭ جاڭا تۋرنيرٸ - ۇلتتار ليگاسىنا قاتىستى. سونىمەن قاتار, جاستار قۇراماسىنان بٸرنەشە ويىنشىنى شاقىرۋ ارقىلى ۇلتتىق قۇرامانى جاسارتتى» دەلٸنگەن فەدەراتسييانىڭ ينستاگرام پاراقشاسىندا جارييالانعان حابارلامادا.
سونداي-اق, قازاقستان فۋتبول فەدەراتسيياسى ستانيمير ستويلوۆ پەن ونىڭ جاتتىقتىرۋشىلار شتابىنا قازاقستاندىق فۋتبولدى دامىتۋعا قوسقان ٷلەسٸ مەن اتقارعان ەڭبەگٸ ٷشٸن العىس بٸلدٸردٸ.
