Ulttyq quramanyń bas bapkeri Stanimir Stoilov qyzmetinen ketti, dep habarlaidy QFF baspasóz qyzmeti.
«Qazaqstan fýtbol federatsiiasy men Ulttyq quramanyń bas bapkeri Stanimir Stoilov eki jaqty kelisim boiynsha eńbek shartyn úzdi. Bolgariialyq maman Stanimir Stoilov Qazaqstan Ulttyq quramasyn 2018 jyldyń naýryzynan beri basqaryp kelgen edi. Onyń jetekshiligimen bizdiń qurama úsh joldastyq match ótkizip, ÝEFA-nyń jańa týrniri - Ulttar Ligasyna qatysty. Sonymen qatar, jastar quramasynan birneshe oiynshyny shaqyrý arqyly ulttyq quramany jasartty» delingen federatsiianyń Instagram paraqshasynda jariialanǵan habarlamada.
Sondai-aq, Qazaqstan fýtbol federatsiiasy Stanimir Stoilov pen onyń jattyqtyrýshylar shtabyna qazaqstandyq fýtboldy damytýǵa qosqan úlesi men atqarǵan eńbegi úshin alǵys bildirdi.
