فوتو:vesti.ru
حالىقارالىق ساياسات پەن ەكونوميكا سالاسىنداعى 167 ساراپشىنىڭ جارتىسىنا جۋىعى رەسەي الداعى 10 جىل ٸشٸندە ىدىراپ, ونىڭ ورنىندا تەۋەلسٸز رەسپۋبليكالار پايدا بولۋى ىقتيمال, نە بولماسا "رەسەي مەملەكەتتٸك ينستيتۋتتارى جۇمىس ٸستەمەيتٸن مەملەكەتكە اينالۋى مٷمكٸن" دەپ سانايدى. بۇل ساۋالنامانى ۆاشينگتوننىڭ Atlantic Council ("اتلانتيكا كەڭەسٸ") ساراپتاما ورتالىعى جٷرگٸزگەن, قورىتىندىسىن بريتانييانىڭ Financial Times گازەتٸ جارييالاعان, دەپ حابارلايدى ازاتتىق.
ساۋالناماعا قاتىسقانداردىڭ 40 پايىزى رەۆوليۋتسييا, ازاماتتىق سوعىس نەمەسە دەزينتەگراتسييا نەتيجەسٸندە رەسەيدە ساياسي داعدارىس بولۋى مٷمكٸن دەپ ەسەپتەيدٸ. ەۋروپا ساراپشىلارى امەريكالىق ساراپشىلاردان دا پەسسيميست بولىپ شىققان: ولاردىڭ 49 پايىزى "رەسەي ىدىرايدى" دەپ سانايدى.
رەسپوندەنتتەردٸڭ 14 پايىزى رەسەي الداعى 10 جىلدا يادرولىق قارۋ قولدانۋى مٷمكٸن دەگەن تۇجىرىمعا كەلگەن. "الداعى ون جىلدا رەسەي ىدىرايدى" دەيتٸن رەسپوندەنتتەردٸڭ 10 پايىزى "رەسەي ىدىراعان سوڭ اۆتوكراتييالىق ەلدەردٸڭ كٶپشٸلٸگٸ دەموكراتييالىق جولعا تٷسەدٸ" دەپ بولجاعان.
"اتلانتيكا كەڭەسٸ" ديرەكتورىنىڭ ورىنباسارى پەتەر ەنگەلكە رەسەي تۋرالى تٷرلٸ بولجامعا ونىڭ ۋكراينا باسىپ كٸرگەنٸ جەنە وعان سالىنعان سانكتسييالار ىقپال ەتكەنٸن ايتقان.
رەسپوندەنتتەر "يراندا يادرولىق قارۋ پايدا بولادى, قىتاي تايۆانعا شابۋىل جاسايدى, كليماتتى قورعاۋداعى جاھاندىق ىنتىماقتاستىق كٷشەيە تٷسەدٸ" دەگەن دە ۇيعارىمعا كەلگەن. ولاردىڭ ويىنشا, اقش الداعى ون جىلدا ەسكەري جەنە عىلىمي تەحنولوگييا سالاسىندا جەتەكشٸ رٶلٸن ساقتاپ قالادى, بٸراق ٶزگە دە ويىنشىلاردىڭ حالىقارالىق ارەناداعى رٶلٸنٸڭ كٷشەيە تٷسۋٸنە بايلانىستى امەريكانىڭ ساياسي جەنە ەكونوميكالىق گەگەمونيياسى بٸرتٸندەپ تٶمەندەيدٸ دەپ سانايدى.
"اتلانتيكا كەڭەسٸ" — 1961 جىلى ناتو قۇرعان ساراپتاما ورتالىعى. ورتالىق جاھان ساياساتى مەن ەكونوميكاسىن زەرتتەۋمەن شۇعىلدانادى.
