Foto:vesti.ru
Halyqaralyq saiasat pen ekonomika salasyndaǵy 167 sarapshynyń jartysyna jýyǵy Resei aldaǵy 10 jyl ishinde ydyrap, onyń ornynda táýelsiz respýblikalar paida bolýy yqtimal, ne bolmasa "Resei memlekettik institýttary jumys istemeitin memleketke ainalýy múmkin" dep sanaidy. Bul saýalnamany Vashingtonnyń Atlantic Council ("Atlantika keńesi") saraptama ortalyǵy júrgizgen, qorytyndysyn Britaniianyń Financial Times gazeti jariialaǵan, dep habarlaidy Azattyq.
Saýalnamaǵa qatysqandardyń 40 paiyzy revoliýtsiia, azamattyq soǵys nemese dezintegratsiia nátijesinde Reseide saiasi daǵdarys bolýy múmkin dep esepteidi. Eýropa sarapshylary amerikalyq sarapshylardan da pessimist bolyp shyqqan: olardyń 49 paiyzy "Resei ydyraidy" dep sanaidy.
Respondentterdiń 14 paiyzy Resei aldaǵy 10 jylda iadrolyq qarý qoldanýy múmkin degen tujyrymǵa kelgen. "Aldaǵy on jylda Resei ydyraidy" deitin respondentterdiń 10 paiyzy "Resei ydyraǵan soń avtokratiialyq elderdiń kópshiligi demokratiialyq jolǵa túsedi" dep boljaǵan.
"Atlantika keńesi" direktorynyń orynbasary Peter Engelke Resei týraly túrli boljamǵa onyń Ýkraina basyp kirgeni jáne oǵan salynǵan sanktsiialar yqpal etkenin aitqan.
Respondentter "Iranda iadrolyq qarý paida bolady, Qytai Taivanǵa shabýyl jasaidy, klimatty qorǵaýdaǵy jahandyq yntymaqtastyq kúsheie túsedi" degen de uiǵarymǵa kelgen. Olardyń oiynsha, AQSh aldaǵy on jylda áskeri jáne ǵylymi tehnologiia salasynda jetekshi rólin saqtap qalady, biraq ózge de oiynshylardyń halyqaralyq arenadaǵy róliniń kúsheie túsýine bailanysty Amerikanyń saiasi jáne ekonomikalyq gegemoniiasy birtindep tómendeidi dep sanaidy.
"Atlantika keńesi" — 1961 jyly NATO qurǵan saraptama ortalyǵy. Ortalyq jahan saiasaty men ekonomikasyn zertteýmen shuǵyldanady.
