31 شٸلدە كٷنٸ پاريجدە ون مىڭنان استام ادام كٶشەگە شىعىپ, كوروناۆيرۋس سانيتارلىق پاسپورتىنا قارسىلىق بٸلدٸردٸ. ولار ەل پرەزيدەنتٸ ەممانۋەل ماكروننىڭ كوروناۆيرۋسپەن كٷرەس شارالارىنا نارازى, دەپ جازادى ازاتتىق.
مەملەكەت باسشىسى ادامداردى ەكپە سالدىرۋعا شاقىرىپ, كٶنبەگەندەرگە شەكتەۋلەر ەنگٸزۋدٸ ۇسىنعان. ال وسى اپتادا ەل پارلامەنتٸ جاڭا زاڭ قابىلداپ, ول بويىنشا دەنساۋلىق ساقتاۋ سالاسىنىڭ قىزمەتكەرلەرٸ ۆاكتسينا سالدىرۋعا مٸندەتتٸ بولىپ شىقتى. ال دەمحانالار مەن بارلارعا كٸرگەندە, پويىزعا وتىرعاندا, مۋزەي مەن كينوتەاتر سەكٸلدٸ جابىق ورىندارعا بارعاندا سانيتارلىق پاسپورت كٶرسەتۋ قاجەت بولدى. سانيتارلىق پاسپورتتا كٸسٸنٸڭ نە تەرٸس نەتيجەلٸ پتر انىقتاماسى بارى نە تولىق ۆاكتسينالانعانى كٶرسەتٸلەدٸ.
67 ميلليون حالقى بار فرانتسييادا حالىقتىڭ جارتىسىنا جۋىعى تولىق ۆاكتسينالانعان. بٸراق ەلەمدە كوروناۆيرۋستىڭ "دەلتا" ۆاريانتى تەز تاراپ, دومينانت ۆاريانتقا اينالعان تۇستا 30 شٸلدە كٷنٸ ەلدە 24 مىڭ Covid ناۋقاسى تٸركەلدٸ. شٸلدەنٸڭ باسىندا كٷن سايىن نەبەرٸ بٸرنەشە مىڭ عانا ناۋقاس انىقتالاتىن. ەل بيلٸگٸ بۇعان جاۋاپ رەتٸندە كوروناۆيرۋسپەن كٷرەس شارالارىن كٷشەيتۋدٸ جٶن كٶردٸ. بٸراق مۇنىسى نارازىلىققا تاپ بولدى.
"بٸز سەگرەگاتسييالانعان قوعام قۇرعالى وتىرمىز, ادام قۇقىعىن ەلپەشتەيتٸن ەلدە مۇنداي نەرسەنٸ جاساۋ ادام ويىنا سىيمايدى" دەدٸ پاريجدەگٸ نارازىلاردىڭ بٸرٸ اننا ەسٸمدٸ مۇعالٸم. مۇعالٸم تەگٸن ايتۋدان باس تارتتى. "مەن كٶشەگە سول سەبەپتٸ شىقتىم. وسىعان دەيٸن نارازىلىققا قاتىسىپ كٶرمەگەنمٸن. مەنٸڭشە بٸزدٸڭ بوستاندىعىمىزعا قاۋٸپ تٶنٸپ تۇر".
نارازىلىق اكتسيياسى سالىستىرمالى تٷردە بەيبٸت ٶتتٸ. بٸراق كەي جەرلەردە شەرۋشٸلەر پوليتسييامەن قاقتىعىسىپ قالىپ جاتتى. Associated Press اگەنتتٸگٸنٸڭ مەلٸمەتٸنشە, فرانتسييادا قارسىلىق اكتسيياسىنا 200 مىڭنان استام ادام, ەل استاناسى پاريجدە 14 مىڭنان استام ادام قاتىسقان. مۇنداي اكتسييالار ەلدە ٷشٸنشٸ اپتا قاتارىنان ٶتٸپ جاتىر.
ٸندەت باستالعالى ەلدە كوروناۆيرۋسپەن 6,2 ميلليونعا جۋىق ناۋقاس تٸركەلٸپ, ونىڭ 112 مىڭى قايتىس بولعان.
