كاتوليك شٸركەۋلەرٸندەگٸ بالا زورلاۋ قىلمىسىن زەرتتەگەن تەۋەلسٸز كوميسسييا جەتەكشٸسٸ جان-مارك سوۆە جۋرناليستەر سۇراقتارىنا جاۋاپ بەرٸپ تۇر. 5 قازان 2021 جىل.
بايانداما سوڭعى 70 جىلدى قامتيدى. ٷش مىڭ بەتتٸك ەسەپتٸ فرانتسييانىڭ بۇرىنعى ۆيتسە-پرەزيدەنتٸ جان-مارك سوۆە جەتەكشٸلٸك ەتكەن تەۋەلسٸز كوميسسييا ەزٸرلەگەن. بۇل جٶنٸندە ارنايى كوميسسييانىڭ رەسمي سايتىنا سٷيەنگەن Meduza پورتالى جازدى, دەپ حابارلايدى ازاتتىق.
كوميسسييا قۇرامىنا زاڭ, تاريح, تەولوگييا, ەلەۋمەتتانۋ سيياقتى تٷرلٸ سالادا ماماندانعان جەنە تٷرلٸ دٸن ٶكٸلدەرٸنەن قۇرالعان 21 ادام كٸرگەن.
ەسەپتەگٸ مەلٸمەتكە قاراعاندا, فرانتسييادا 1950 جىلدان بەرٸ 216 مىڭ كەمەلەتكە تولماعان بالا سۆياششەننيك, موناح پەن موناحينيالاردان زەبٸر كٶرگەن. ودان بٶلەك, 114 مىڭ بالا كاتوليك شٸركەۋٸ نەمەسە مەكتەپتەرٸندە ٸستەگەن بەلگٸلٸ بٸر دٸني مەرتەبەسٸ جوق قىزمەتكەرلەردٸڭ زورلىعىنا ۇشىراعان. زەبٸر كٶرگەندەردٸڭ 80 پايىزى - ەر بالا. زەرتتەۋ اۆتورلارى مۇنى كاتوليك شٸركەۋٸنە عانا تەن قۇبىلىس رەتٸندە اتاعان, سەبەبٸ ٶزگە قوعامدا كٶبٸنە قىزدار زورلىق قۇربانىنا اينالادى.
ەسەپتٸ ەزٸرلەۋ كەزٸندە كوميسسييا مٷشەلەرٸ جەبٸرلەنۋشٸلەرمەن, وزبىرلىق كٶرسەتكەندەرمەن سٶيلەسٸپ, ارحيۆ اقتارعان, ستاتيستيكالىق زەرتتەۋلەردٸ پايدالانعان. زارداپ شەككەندەردٸڭ اراسىندا 6500 ادام كۋەلٸك ەتكەن. زەرتتەۋ اۆتورلارى جەبٸرلەنۋشٸلەردٸ تاۋىپ, ولاردى كۋەلٸك ەتۋگە كٶندٸرۋ قيىن بولعانىن اتاپ ٶتەدٸ.
كوميسسييا 1950-2020 جىلدارداعى بالا زورلاۋ مەن جىنىستىق زورلىق-زومبىلىق كٶرسەتۋگە كەمٸندە 2900-3200 سۆياششەننيك پەن موناحتىڭ قاتىسى بارىن انىقتاعان. ولار وسى كەزەڭدە فرانتسيياداعى شٸركەۋلەردە قىزمەت اتقارعان. ساراپشىلار "اگرەسسورلار" قاتارى كٶپ بولۋى ىقتيمال, بٸراق شٸركەۋ مەن پوليتسييادا ولار جايلى مەلٸمەت جوق دەپ ەسكەرتەدٸ.
كوميسسييا ٶكٸلدەرٸنٸڭ سٶزٸنە قاراعاندا, فرانتسييادا كاتوليك شٸركەۋلەرٸندە بالالار جٷيەلٸ تٷردە زورلىق-زومبىلىققا ۇشىراعان. ولاردىڭ باسىم بٶلٸگٸ نەمەسە 55,9 پايىزى – 1950-70 جىلدارى بولعان. بارعان سايىن سانى تٶمەندەگەن, بۇل فرانتسييادا كاتوليك شٸركەۋلەرٸندەگٸ دٸندارلار مەن قىزمەتكەرلەر سانىنىڭ سيرەۋٸمەن بايلانىستى بولۋى مٷمكٸن.
ەسەپ اۆتورلارىنىڭ سٶزٸنە قاراعاندا, كاتوليك شٸركەۋٸ 1990 جىلدارعا دەيٸن مۇنداي داۋلاردان ٶزٸن اۋلاق ۇستاۋعا تىرىسىپ, جەبٸرلەنۋشٸلەردٸڭ ارىز-شاعىمىن تىڭداماعان. تەك 2015 جىلدان بەرٸ شٸركەۋ زورلىق-زومبىلىق بارىن مويىنداي باستاعان.
كوميسسييا كاتوليك شٸركەۋٸنە 45 رەكومەنداتسييا جاساپ ۇسىنعان. اراسىندا جىنىستىق زورلىق-زومبىلىقتان زارداپ شەككەندەردٸ قولداۋعا ارنالعان شۇعىل جەلٸ ۇيىمداستىرۋ, جىل سايىن شٸركەۋ قىزمەتكەرلەرٸنٸڭ قىلمىسى جٶنٸندە ەسەپ جارييالاۋ, جەبٸرلەنۋشٸلەرگە ٶتەماقى تٶلەۋ سيياقتى ۇسىنىستار بار. ودان بٶلەك, كوميسسييا شٸركەۋگە "نەكە قۇرماۋدىڭ ەتيكا تالاپتارىن" ەزٸرلەۋدٸ جەنە ونىڭ سۆياششەننيك ستاتۋسىنا ەسەرٸن انىقتاۋدى, "حيروتونييا" رەسٸمٸن جاسايتىن سۆياششەننيكتەر قاتارىنا نەكە قۇرعان ەرلەردٸ الۋ مٷمكٸندٸگٸ, قىلمىسقا قاتىسى بار وقيعالارعا دٸني قۇپييا پرينتسيپٸنٸڭ جٷرمەيتٸندٸگٸن تٷسٸندٸرۋ مەسەلەلەرٸن قاراستىرۋدى ۇسىنعان.
ارنايى كوميسسييا بۇرىنعى دٸندار بەرنار پرەين مەن ارحيەپيسكوپ فيليپپ باربارەنگە بايلانىستى اتىشۋلى داۋدان كەيٸن 2018 جىلى قۇرىلعان.
