فرانتسييادا ادامدارعا وق جاۋدىرىپ, جەرگٸلٸكتٸ مەشٸتتٸ ٶرتەمەك بولدى دەگەن كٷدٸكپەن 84 جاستاعى ەر ادام ۇستالدى, دەپ حابارلايدى The Guardian باسىلىمى.
بايوننا قالاسىندا بولعان اتىستان كەيٸن 74 جەنە 78 جاستاعى ەكٸ ەر ادام اۋىر جارالاندى. ولار اۋرۋحانادا جاتىر.
جەرگٸلٸكتٸ پوليتسييانىڭ مەلٸمەتٸنشە, كٷدٸكتٸ الدىمەن مەشٸتكە وت قويماق بولعان, مۇنىسىن بايقاپ قالعان ادامدارعا قاراي وق جاۋدىرا باستاعان. سٶيتٸپ, ماشيناسىن ٶرتەپ, ارتىنشا ٸزٸن سۋىتقان.
كٷدٸكتٸ لانداداعى ٷيٸنەن 16 شاقىرىم جەردە ۇستالدى.
Reuters اگەنتتٸگٸنٸڭ اقپاراتىنا سەيكەس, كٷدٸكتٸ 2015 جىلى لانداداعى جەرگٸلٸكتٸ سايلاۋدا مارين لە پەننٸڭ ەسٸرە وڭشىل «ۇلتتىق مايدان» (قازٸرگٸ ۇلتتىق بٸرلەستٸك) پارتيياسىنا كانديدات بولعان. ەرٸ سايلاۋدىڭ العاشقى تۋرىندا 18% داۋىس جيناعان.
ۇلتتىق بٸرلەستٸك ٶكٸلدەرٸ دە مۇنى راستاپ وتىر. بٸراق پارتييانىڭ يدەياسىن ۇناتپاعاندىقتان, كەتٸپ قالعان.
فرانتسييا پرەزيدەنتٸ ەممانيۋەل ماكرون مەشٸتكە جاسالعان شابۋىلدى قاتاڭ ايىپتاپ, «مۇسىلمان ازاماتتاردى قورعايتىنىن» مەلٸمدەدٸ.
