Frantsiiada adamdarǵa oq jaýdyryp, jergilikti meshitti órtemek boldy degen kúdikpen 84 jastaǵy er adam ustaldy, dep habarlaidy The Guardian basylymy.
Baionna qalasynda bolǵan atystan keiin 74 jáne 78 jastaǵy eki er adam aýyr jaralandy. Olar aýrýhanada jatyr.
Jergilikti politsiianyń málimetinshe, kúdikti aldymen meshitke ot qoimaq bolǵan, munysyn baiqap qalǵan adamdarǵa qarai oq jaýdyra bastaǵan. Sóitip, mashinasyn órtep, artynsha izin sýytqan.
Kúdikti Landadaǵy úiinen 16 shaqyrym jerde ustaldy.
Reuters agenttiginiń aqparatyna sáikes, kúdikti 2015 jyly Landadaǵy jergilikti sailaýda Marin Le Penniń ásire ońshyl «Ulttyq maidan» (qazirgi Ulttyq birlestik) partiiasyna kandidat bolǵan. Ári sailaýdyń alǵashqy týrynda 18% daýys jinaǵan.
Ulttyq birlestik ókilderi de muny rastap otyr. Biraq partiianyń ideiasyn unatpaǵandyqtan, ketip qalǵan.
Frantsiia Prezidenti Emmaniýel Makron meshitke jasalǵan shabýyldy qatań aiyptap, «musylman azamattardy qorǵaitynyn» málimdedi.
