فرانتسييادا ۇستالعان رەسەي فەدەراتسييا كەڭەسٸنٸڭ داعىستاننان سايلانعان مٷشەسٸ سۋلەيمان كەريموۆكە "سالىق تٶلەۋدەن جالتارىپ, جاسىرىپ قالعان قارجىسىنىڭ ٸزٸن جاپتى" دەگەن ايىپ تاعىلدى. بۇل تۋرالى فرانتسييانىڭ نيتستسا قالاسىنىڭ پروكۋرورى جان-ميشەل پرەتر حابارلادى. كەريموۆ ٶزٸنە تاعىلعان ايىپتى مويىندامايدى, دەپ جازادى ازاتتىق.
22 قاراشا كٷنٸ كەشكە سوت كەريموۆتٸ بەس ميلليون ەۋرو كەپٸل تٶلەپ بوساتۋعا شەشٸم قابىلدادى. تەرگەۋ اياقتالعانعا دەيٸن وعان تەڭٸز جاعاسىنداعى الپٸ دەپارتامەنتٸ اۋماعىنان شىعۋعا جەنە فرانتسۋز ەدٸلەت ورگاندارى تٸزٸمگە العان ادامدارمەن سٶيلەسۋگە تىيىم سالىندى. بۇدان ٶزگە, ول رەسەي پاسپورتىن تاپسىرىپ, تەرگەۋ اياقتالعانشا اپتا سايىن پوليتسيياعا كٶرٸنٸپ تۇرۋى تيٸس.
كەريموۆ 20 قاراشادا نيتستسە ەۋەجايىندا ونداعان ميلليون ەۋرونى جىمقىردى جەنە سالىق الاياقتىعىن جاسادى دەگەن كٷدٸكپەن ۇستالعان. Le Figaro باسىلىمىنىڭ جازۋىنشا, كەريموۆ فرانتسييانىڭ وڭتٷستٸك-شىعىس جاعالاۋلارىنان جىلجىمايتىن مٷلٸك, ونىڭ ٸشٸندە رەسەيلٸك وليگارحتار اراسىندا تانىمال انتيب تٷبەگٸنەن ۆيللالار ساتىپ الۋدا دەلدالدار مەن كومپانييالار جٷيەسٸن قۇرعان. Le Figaro دەرەككٶزٸ سالىق تٶلەمٸن ازايتۋ ٷشٸن ساتىپ الىناتىن جىلجىمايتىن مٷلٸكتەردٸڭ باعاسى ەدەيٸ تٶمەندەتٸلگەنٸن ايتادى. بٸراق تەرگەۋ قۇجاتتارىندا رەسەيلٸك سەناتوردىڭ اتى اتالماعان. باسىلىم كەريموۆتٸڭ ٸسٸ بويىنشا تٶرت ادامنىڭ ۇستالعانىن ايتادى. ولاردىڭ اتى-جٶندەرٸ جارييالانعان جوق.
رەسەي ٸشكٸ ٸستەر مينيسترلٸگٸ فرانتسييا بيلٸگٸنٸڭ ەرەكەتتەرٸن زاڭسىز سانايدى. مينيسترلٸك كەريموۆتٸڭ رەسمي ادام ەكەنٸن جەنە ديپلوماتييالىق قول سۇعىلماۋشىلىق قۇقىعى بارىن ايتادى. كرەمل كەريموۆتٸڭ "زاڭدى مٷددەلەرٸن" قورعاۋ ٷشٸن بارلىق شارانى جاساۋعا ۋەدە بەردٸ. رەسمي پاريج كەريموۆتٸڭ ديپلوماتييالىق قول سۇعىلماۋشىلىق قۇقىعىنىڭ ەرەكەت ەتۋ شەگٸن فرانتسۋز سوتى انىقتايتىنىن مەلٸمدەدٸ.
سۋلەيمان كەريموۆ فەدەراتسييا كەڭەسٸنٸڭ 2008 جىلدان بەرٸ دەپۋتاتى. 2016 جىلى ول "رەسەيدەگٸ ەڭ باي 200 بيزنەسمەن" رەيتينگٸسٸندە 1,6 ميلليارد دوللار بايلىقپەن 45-ورىندى يەلەنگەن.
