20 اقپان كٷنٸ جامبىل اتىنداعى قازاق مەملەكەتتٸك اكادەمييالىق فيلارمونيياسىنىڭ ٷلكەن زالىندا فرانتسۋز كومپوزيتورى فرانسيس پۋلەنكتٸڭ «ادام داۋىسى» اتتى مونووپەراسى قويىلادى, دەپ حابارلايدى Ult.kz.
جان كوكتونىڭ پەساسى نەگٸزٸندە جازىلعان بۇل ليريكالىق تۋىندى پسيحولوگييالىق يٸرٸمدەرگە تولى حح عاسىرداعى وپەرا ٶنەرٸنٸڭ جاۋھارى سانالادى. بٸر عانا كەيٸپكەردٸڭ تاعدىرى مەن ٸشكٸ ارپالىسىنا قۇرىلعان بۇل قويىلىم كٶرەرمەنگە جالعىزدىق, ماحاببات جەنە قوشتاسۋ سەزٸمدەرٸن تەرەڭٸنەن سەزٸنۋگە مٷمكٸندٸك بەرەدٸ.
ساحناداعى درامالىق وبرازدى قازاقستاننىڭ ەڭبەك سٸڭٸرگەن قايراتكەرٸ دەرييا جٷسٸپ سومدايدى. قويىلىمدا ول كٶرەرمەنگە اكتەرلٸك ويىنىمەن قاتار ۆوكالدىق شەبەرلٸگٸن دە پاش ەتەدٸ. وپەرانى قانات وماروۆتىڭ ديريجەرلٸگٸمەن ت.ەبدٸراشەۆ اتىنداعى قر مەملەكەتتٸك اكادەمييالىق سيمفونييالىق وركەسترٸ سٷيەمەلدەيدٸ.
قويىلىمنىڭ قازاق تٸلٸندە ساحنالانۋى – وتاندىق ٶنەر ٷشٸن ماڭىزدى قادام. سەبەبٸ كٶرەرمەن قاۋىمعا كلاسسيكالىق تۋىندىنى انا تٸلٸندە تىڭداپ, تٷسٸنۋگە مٷمكٸندٸك بەرەدٸ.
