قازاقستاندىق كەسٸپقوي بوكسشى فيرۋزا شەرٸپوۆا مەدەنيەت جەنە سپورت مينيسترلٸگٸنٸڭ چەمپيوندىق جەكپە-جەككە قاراجات بٶلۋ تۋرالى مەلٸمدەمەسٸنە قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«بٸز مەدەنيەت جەنە سپورت مينيسترلٸگٸنە جەنە مينيستر ارىستانبەك مۇحامەديۇلىنا زور العىسىمىزدى بٸلدٸرەمٸز. 2018 جىلدىڭ مامىر ايىندا بٸزگە كٶرسەتٸلگەن قارجىلىق كٶمەكتٸڭ ارقاسىندا ٶتكەن جىلدىڭ 9 قىركٷيەگٸندە سانكت-پەتەربۋرگتە ايقاس ٶتكٸزٸپ, جەڭٸل سالماقتاعى WIBA نۇسقاسى بويىنشا ەلەم چەمپيونى تيتۋلىن ساقتاپ قالدىم», - دەپ جازادى سپورتشى ينستاگرام پاراقشاسىندا.
بوكسشى ٶزٸنٸڭ چەمپيوندىق بەلبەۋٸن ساقتاپ قالۋ ٷشٸن قانشا قاراجات كەرەك ەكەنٸن دە جاسىرمادى.
«وسىدان كەيٸن-اق ماعان بٸردەن IBO نۇسقاسى بويىنشا ەلەم چەمپيونى جەنە WBC Silver بەلبەۋٸ ٷشٸن ايقاس ٶتكٸزۋ كەرەك ەدٸ. وسى جەنە ەكٸنشٸ جارتىلاي سالماقتا تولىققاندى WBC ەلەم چەمپيونى جاڭا تيتۋلىن جەڭٸپ الۋ ٷشٸن بٸز ەۆا ۆالسترەممەن كەلٸسٸمگە كەلگەن ەدٸك. الايدا 500 مىڭ دوللار كٶلەمٸندە قاراجات تابا المادىق», - دەيدٸ بوكسشى.
ونىڭ ايتۋىنا قاراعاندا, تارتىپ الىنعان بەلبەۋلەر ٷشٸن اتالعان قاراجات ەلٸ دە قاجەت.
«مەن ەكٸ سالماق بويىنشا ەلەم چەمپيونى ەدٸم. ەندٸ قازٸر بٸر سالماقتاعى وسىنداي مەرتەبەمنەن ايىرىلىپ قالدىم. تارتىپ الىنعان بەلبەۋ پەن جاڭا تيتۋلدى جەڭٸپ الۋ ٷشٸن 500 مىڭ دوللار كەرەك. كەيبٸر باق-تا اقپارات دۇرىس جارييالانباي جاتىر. بٸز ەشكٸمدٸ كٸنەلاپ تۇرعان جوقپىز. جاي عانا ايقاسىمدى ٶتكٸزۋ ٷشٸن قارجىلىق كٶمەك سۇرايمىز. بۇل - ەڭ مەرتەبەلٸ تيتۋل جەنە ەلەمدەگٸ ەڭ ٷزدٸك قارسىلاسپەن بولاتىن جەكپە-جەك», - دەيدٸ سپورتشى.
ەسكە سالا كەتسەك, فيرۋزا شەرٸپوۆا IBO تۇجىرىمى بويىنشا ەلەم چەمپيونى تيتۋلىنان جەنە WBC Silver بەلبەۋٸنەن ايىرىلعانى وسىعان دەيٸن حابارلانعان بولاتىن. وعان قاتىستى سپورتشى:
«بۇل - قالىپتى جاعداي, سەبەبٸ بٸر جىلدان بەرٸ قورعالعان جوق. چەمپيون ٶز بەلبەۋٸن قورعاۋى تيٸس. ٶتكەن جىلدىڭ سوڭىندا ەۆا ۆالسترەممەن بٸرلەسكەن ايقاس ٶتكٸزۋدٸ جوسپارلادىق. ول - WBC تۇجىرىمى بويىنشا چەمپيوندىق تيتۋلدىڭ يەگەرٸ. قارجىلاندىرۋعا كٶمەك سۇرادىق. ەكٸمدٸكتەر مەن مەدەنيەت جەنە سپورت مينيسترٸنە حات جولدادىق. ٶكٸنٸشكە قاراي, بٸزگە قاراجات تابىلمادى», - دەگەن ەدٸ.
سپورتشىنىڭ وسى سٶزٸنەن كەيٸن قر مەدەنيەت جەنە سپورت مينيسترلٸگٸ كەسٸپقوي بوكسشى فيرۋزا شەرٸپوۆانىڭ مەلٸمدەمەسٸنە رەسمي تٷردە جاۋاپ بەردٸ.
