ٷش سالماق دەرەجەسٸندە ەلەم چەمپيونى, قازاقستاندىق سپورتشى فيرۋزا شاريپوۆا WBA-نىڭ جاڭارتىلعان رەيتينگٸندە بٸرٸنشٸ ورىنعا كٶتەرٸلدٸ, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
ەيەلدەر اراسىندا جەڭٸل سالماق دەرەجەسٸندە باستى بەلدٸك يەگەرٸ بۇرىنعىداي يرلاندييا بوكسشىسى كەتي تەيلور. شاريپوۆا ەكٸنشٸ ورىننان بٸرٸنشٸ ورىنعا كٶتەرٸلٸپ, وسىلايشا, تەيلور ٷشٸن مٸندەتتٸ ٷمٸتكەر اتاندى.
يرلاندييا سپورتشىسى بۇعان دەيٸنگٸ جەكپە-جەگٸن ناتاشا دجوناسپەن ٶتكٸزگەن. بۇل كەزدەسۋگە دەيٸن ول رەيتينگتە تٶرتٸنشٸ ورىندا تۇرعان, بٸراق جەڭٸلگەننەن كەيٸن 12-شٸ ورىنعا بٸر-اق سىرعىدى. بۇل رەتتە دجوناستىڭ تەيلورعا قارسى جەكپە-جەگٸ تەڭ دەرەجەدە ٶتكەن, اعىلشىن سپورتشىسى ەڭ از ەسەپپەن ۇتىلدى: 96-95, 96-94, 96-95. كەپٸلدەندٸرٸلگەن گونورارلار (بونۋستى ەسەپكە الماعاندا) تەيلور ٷشٸن 1,38 ميلليون دوللاردى, ال دجوناس ٷشٸن — 485 مىڭ دوللاردى قۇراعان.
ەگەر فيرۋزا شاريپوۆا مەن كەتي تەيلوردىڭ جەكپە-جەگٸ ٶتٸپ, وندا قازاقستاندىق سپورتشى جەڭٸسكە جەتسە, ول نەگٸزگٸ نۇسقالار بويىنشا ەلەم چەمپيونىنىڭ بارلىق تٶرت بەلدٸگٸن جيناماق. بۇل قازاقستان ٷشٸن جاڭا رەكوردتىق جەتٸستٸك بولادى. كەسٸبي مانسابى جولىندا شاريپوۆا ٶزٸنٸڭ باستى ماقساتى – ەلەمنٸڭ ابسوليۋتتٸ چەمپيونى بولۋ ەكەنٸن مەلٸمدەگەن.
