مەسكەۋ قالاسىنداعى «كەڭەستەر قاناتى» سپورت كەشەنٸندە كەسٸپقوي بوكس كەشٸ ٶتٸپ جاتىر. وندا قازاقستاندىق سپورتشى فيرۋزا شەرٸپوۆا (11-1, 6 كو) ٶنەر كٶرسەتتٸ, دەپ حابارلايدى Sports.kz سايتى.
شەرٸپوۆا سەربييالىق سارا ماريانوۆيچپەن (7-7, 3 كو) ايقاستى. سەگٸز راۋندقا ەسەپتەلگەن جەڭٸل سالماقتاعى جەكپە-جەك تٶرەشٸلەردٸڭ بٸراۋىزدى شەشٸمٸمەن قازاقستاندىق بوكسشىنىڭ جەڭٸسٸمەن اياقتالدى.
وسىلايشا, فيرۋزا شەرٸپوۆا پروفي-رينگتەگٸ 12-ٸنشٸ جەڭٸسٸنە قول جەتكٸزدٸ. 26 جاستاعى سپورتشىمىز ٷشٸن بۇل – 2020 جىلعى ەكٸنشٸ ايقاس. بۇعان دەيٸن ول تامىز ايىندا تانزانييا ٶكٸلٸ حەپپي داۋديدٸ (9-7-1, 4 كو) بەسٸنشٸ راۋندتا نوكاۋتقا جٸبەرگەن بولاتىن.
