Máskeý qalasyndaǵy «Keńester qanaty» sport kesheninde kásipqoi boks keshi ótip jatyr. Onda qazaqstandyq sportshy Firýza Sháripova (11-1, 6 KO) óner kórsetti, dep habarlaidy Sports.kz saity.
Sháripova serbiialyq Sara Marianovichpen (7-7, 3 KO) aiqasty. Segiz raýndqa eseptelgen jeńil salmaqtaǵy jekpe-jek tóreshilerdiń biraýyzdy sheshimimen qazaqstandyq boksshynyń jeńisimen aiaqtaldy.
Osylaisha, Firýza Sháripova profi-ringtegi 12-inshi jeńisine qol jetkizdi. 26 jastaǵy sportshymyz úshin bul – 2020 jylǵy ekinshi aiqas. Buǵan deiin ol tamyz aiynda Tanzaniia ókili Heppi Daýdidi (9-7-1, 4 KO) besinshi raýndta nokaýtqa jibergen bolatyn.
