فوتو: Lovepik
قازاقستان حالىقارالىق FIFA Arena جوباسىن جٷزەگە اسىرۋ تۋرالى كەلٸسٸمگە العاشقىلاردىڭ بٸرٸ بولىپ قول قويدى, دەپ حابارلايدى Ult.kz.
بۇل باستاما بالالار مەن جاسٶسپٸرٸمدەر فۋتبولىن دامىتۋعا جەنە مەكتەپ وقۋشىلارىنا زاماناۋي سپورت ينفراقۇرىلىمىنا تەڭ قولجەتٸمدٸلٸك جاساۋعا باعىتتالعان. جوبا اياسىندا ەلٸمٸزدەگٸ جالپى بٸلٸم بەرەتٸن مەكتەپتەردٸڭ اۋماعىندا 100 شاعىن فۋتبول الاڭى سالىنادى.
بۇل – جوباعا قاتىسۋشى ەلدەر اراسىنداعى ەڭ جوعارى كٶرسەتكٸش. العاشقى الاڭدار بيىل حرومتاۋ مەن كٶكشەتاۋ قالالارىندا پايدالانۋعا بەرٸلەدٸ. باعدارلامانى تولىق اياقتاۋ 2027 جىلعا جوسپارلانعان. جوبانى قازاقستان فۋتبول فەدەراتسيياسى قر تۋريزم جەنە سپورت مينيسترلٸگٸنٸڭ قولداۋىمەن جٷزەگە اسىرۋدا.
ەر الاڭ FIFA ستاندارتىنا سەيكەس سالىنادى: كٶلەمٸ 20×40 مەتر, جاڭا بۋىنداعى جاساندى شٶپ جابىنى تٶسەلەدٸ (non-infill turf), كٸرٸكتٸرٸلگەن قاقپا, قورشاۋ پانەلدەرٸ مەن قاۋٸپسٸزدٸك تورلارى ورناتىلادى. ەمبەباپ قۇرىلىم الاڭداردى قولدانىستاعى مەكتەپ اۋلالارى مەن سپورت ايماقتارىنا ىڭعايلى تٷردە سالۋعا مٷمكٸندٸك بەرەدٸ.
جوبا ەڭ الدىمەن شاعىن قالالار مەن اۋىل مەكتەپتەرٸن قامتيدى. قارجىلاندىرۋدى FIFA قامتاماسىز ەتسە, قر تۋريزم جەنە سپورت مينيسترلٸگٸ, وقۋ-اعارتۋ مينيسترلٸگٸ مەن جەرگٸلٸكتٸ اتقارۋشى ورگاندار ۇيىمداستىرۋشىلىق قولداۋ كٶرسەتەدٸ.
بٷگٸندە فۋتبول ەلٸمٸزدٸڭ بارلىق ٶڭٸرٸندە دامىپ, ەڭ تانىمال بۇقارالىق سپورت تٷرلەرٸنٸڭ بٸرٸ سانالادى. قازٸرگٸ تاڭدا فۋتبولمەن 1,1 ميلليوننان استام ادام جٷيەلٸ تٷردە اينالىسادى. ودان بٶلەك 7 378 جاتتىقتىرۋشى جۇمىس ٸستەيدٸ. ەلٸمٸزدە 280 ستاديون, 148 فۋتبول مانەجٸ, 7 مىڭنان استام مەكتەپ الاڭى جەنە 400-دەن اسا دەنە شىنىقتىرۋ-ساۋىقتىرۋ كەشەنٸ بار. پرەمەر-ليگادا 14 كەسٸبي كلۋب ٶنەر كٶرسەتسە, 242 بالالار-جاسٶسپٸرٸمدەر سپورت مەكتەبٸندە 40 مىڭنان استام جاس فۋتبولشى دايىندالۋدا.
كەيٸنگٸ جىلدارى ەلٸمٸزدە FIFA جەنە ۋەفا-نىڭ قولداۋىمەن تالعاردا ۇلتتىق قۇرامالارعا ارنالعان وقۋ-جاتتىعۋ بازاسى, استاناداعى فۋتبول ٷيٸ مەن مانەج, شىمكەنتتەگٸ جەكە «بيٸك» بازاسى جەنە قوستانايداعى «توبول» كلۋبىنا ارنالعان تولىققاندى مانەج سالىندى.
