استانادا فەدەراتسييا كۋبوگى ٷشٸن ٸرٸكتەۋ كەزەڭٸنٸڭ فينالىندا قازاقستان مەن قىتاي قۇرامالارى كٷش سىناسۋدا, دەپ حابارلايدى قازاقپارات تٸلشٸسٸ.
جەڭٸمپاز قۇراما ەلەمدٸك توپتىڭ پلەي-وفف كەزەڭٸنە جولداما الاتىندىقتان, بۇل ماتچتىڭ ماڭىزى زور.
كورتقا العاشقى بولىپ قازاقستاننان زارينا ديياس, قىتايدان چجەن سايساي شىقتى. زارينا ەلەمدٸك رەيتينگتە 96-ورىندا بولسا, قارسىلاسى 42-ساتىدا ەدٸ.
كەزدەسۋدٸ زارينا تاماشا باستاپ, قوس بٸردەي برەيكپەن العا شىقتى - 4:0. دەگەنمەن قىتايلىق قىز دا قالىسپاي, قاتارىنان ٷش گەيمدٸ الدى. بۇدان كەيٸن قازاقستاندىق تەننيسشٸ تاعى بٸر برەيك جاسادى - 5:3. سودان كەيٸن سەتكە دوپ بەرگەندە, قارسىلاسىنا مٷمكٸندٸك بەرگەن جوق - 6:3.
ز.ديياس ەكٸنشٸ پارتييانى برەيكپەن باستاپ, سودان سوڭ تارتىستى ٶتكەن ٶز گەيمٸن جٸبەرمەدٸ - 2:0. سول برەيكتٸڭ ارقاسىندا ٷنەمٸ العا شىعىپ وتىردى - 3:1, 4:2. سوسىن تاعى بٸر برەيك جاسادى - 5:2. زارينا سوڭعى گەيمدە ٷشٸنشٸ ماتچبولىن پايدالانا بٸلدٸ - 6:2.
تارتىستى ٶتكەن بەسەكە 1 ساعات 35 مينۋتقا سوزىلدى.
كەزدەسۋ بارىسىندا وتانداسىمىز تاماشا ٶنەر كٶرسەتٸپ, قىتايلىق سپورتشىنىڭ ادىمىن اشتىرمادى. بۇعان دەيٸن ز.ديياس بٸر-بٸرٸن جاقسى بٸلەتٸن چجەن سايسايدان بەس رەت جەڭٸلگەن ەكەن, بٷگٸن سونىڭ ەسەسٸن قايىردى.
كەشە قازاقستان - ٷندٸستان ماتچىندا زارينا ديياستىڭ ويىنىن ەلباسى نۇرسۇلتان نازارباەۆ تاماشالاپ, قولداۋ بٸلدٸرگەن بولاتىن. سودان كەيٸن زارينا ينستراگرامداعى پاراقشاسىندا پرەزيدەنتتٸڭ ٶزٸنە ساعات سىيلاعانىن جارييالاعان ەدٸ. بٷگٸن ز.ديياس ەلباسى سىيلىعىنىڭ ٶزٸن شابىتتاندىرىپ, جەڭٸسكە جٸگەرلەندٸرگەنٸن جەتكٸزدٸ.
بٷگٸن ەكٸنشٸ ويىندا قازاقستاننىڭ بٸرٸنشٸ, ەلەمنٸڭ 43-راكەتكاسى يۋلييا پۋتينتسەۆا رەيتينگتە ٶزٸنەن ٷش ساتى جوعارى تۇرعان چجان شۋايمەن شەبەرلٸك بايقاسادى. سودان كەيٸن گالينا ۆوسكوبوەۆا مەن اننا دانيلينانىڭ يافان ۆان جەنە يفان سيۋيدٸڭ جۇپتىق كەزدەسۋٸ جوسپارلانعان.
ەسكە سالا كەتەيٸك, بۇدان بۇرىن استانادا ٶتٸپ جاتقان فەدەراتسييا كۋبوگى ٷشٸن ٸرٸكتەۋ كەزەڭٸندە قازاقستان - ٷندٸستان ماتچىن ەۋەلٸ زارينا ديياستىڭ جەڭٸسپەن باستاپ, يۋلييا پۋتينتسەۆانىڭ جالعاستىرعانىن, سوسىن گالينا ۆوسكوبوەۆا مەن اننا دانيلينانىڭ جۇپتىق كەزدەسۋدٸ ۇتقانىن, ال ەرلەر اراسىندا الەكساندر بۋبليكتٸڭ بۋداپەشت تۋرنيرٸنٸڭ جارتىلاي فينالىنا شىققانىن جازعان بولاتىنبىز.
