اقش كەسٸپكەرٸ يلون ماسكتىڭ SpaceX جەكەمەنشٸك كورپوراتسيياسى ەزٸرلەگەن Falcon 9 زىمىران-تاسىعىشى جەر وربيتاسىنا عالامدىق ينتەرنەت جەلٸسٸن قۇرۋعا ارنالعان 60 شاعىن Starlink جاساندى جەر سەرٸگٸن شىعاردى. بۇل تۋرالى كومپانييا Twitter ەلەۋمەتتٸك جەلٸسٸندەگٸ پاراقشاسىندا حابارلادى.
ەكٸ بٶلٸكتەن تۇراتىن Falcon 9 اقش-تىڭ كاناۆەرال مٷيسٸندەگٸ عارىش ايلاعىنان سەيسەنبٸگە قاراعان تٷنٸ ۇشىرىلعاننان كەيٸن ارادا سەگٸز جارىم مينۋت ٶتكەندە زىمىراننىڭ وسىمەن تٶرتٸنشٸ مەرتە پايدالانىلعان بٸرٸنشٸ بٶلٸگٸ اۆتوماتتى تٷردە اتلانت مۇحيتىنىڭ اقش-تىڭ وڭتٷستٸك كارولينا شتاتىنا جاقىن تۇسىنداعى تەڭٸز بەتٸندەگٸ Of Course I Still Love You پلاتفورماسىنا ٶزدٸگٸنەن قونعان.
Falcon 9 زىمىرانى Starlink جاساندى جەر سەرٸكتەرٸن 290 كيلومەتر بيٸكتەگٸ جەر وربيتاسىنا جەتكٸزدٸ. SpaceX ينجەنەرلەرٸ ولاردىڭ قالاي جۇمىس ٸستەپ تۇرعانىن تەكسەرٸپ بولعاننان كەيٸن جەر سەرٸكتەرٸندەگٸ يوندى قوزعالتقىشتار ٸسكە قوسىلىپ, تاعى دا بٸرتالاي بيٸككە كٶتەرٸلەدٸ.
Starlink جوباسى اياسىندا جاساندى جەر سەرٸكتەرٸنٸڭ وسىمەن ٷشٸنشٸ توبى عارىشقا شىعارىلدى. العاشقى 60-ى بىلتىر مامىردىڭ سوڭىندا, ەكٸنشٸ توبى – قاراشانىڭ اياعىندا ۇشىرىلعان.
SpaceX كومپانيياسىنىڭ جوسپارى بويىنشا, 12 مىڭ جاساندى جەر سەرٸگٸنەن تۇراتىن عالامدىق جٷيە تولىق ٸسكە قوسىلعاننان كەيٸن جەر شارىنىڭ كەز كەلگەن تٷكپٸرٸنەن كەڭ جولاقتى ينتەرنەت بايلانىسىنا قوسىلۋعا مٷمكٸندٸك تۋماق. جوبانى جٷزەگە اسىرۋ ٷشٸن ينۆەستيتسييانىڭ جالپى قۇنى 10 ميلليارد دوللار دەپ باعالانعان.
