جەلتوقسان ايىندا 267 ميلليون Facebook قولدانۋشىسىنىڭ دەرەگٸ ينتەرنەتتە جارييالانىپ كەتتٸ. Comparitech سايتىنىڭ جازۋىنشا, نەگٸزٸنەن اقش-تاعى ەلەۋمەتتٸك جەلٸ قولدانۋشىلارىنىڭ دەرەكتەرٸ ۇرلانعان.
ساراپشىلاردىڭ ايتۋىنشا, ينتەرنەتتە قولدانۋشىلاردىڭ اتى, Facebook ID جەنە تەلەفون نٶمٸرلەرٸ جارييالانعان. Comparitech سايتىنىڭ پٸكٸرٸنشە, حاكەرلەر بۇل دەرەكتەردٸ سپام جٸبەرۋ ٷشٸن قولدانۋى مٷمكٸن. ساراپشىلار دەرەكتەردٸڭ ۇرلانۋىنا ۆەتنام حاكەرلەرٸنٸڭ قاتىسى بار دەپ بولجايدى. ولار اقپاراتتى حاكەرلەر فورۋمىنا سالعان بولۋى مٷمكٸن.
Facebook باسشىلىعى وقيعانىڭ جاي-جاپسارىن زەرتتەپ جاتىر. كومپانييا ٶكٸلٸ بۇل دەرەكتەر Facebook-تىڭ اقپارات قاۋٸپسٸزدٸگٸ سالاسىندا ساياساتى ٶزگەرگەنگە دەيٸن ۇرلانعان بولۋى مٷمكٸن دەيدٸ.
2018 جىلدىڭ باسىندا جۋرناليستەر بريتاندىق Cambridge Analytica كومپانيياسىن اقش-تا دونالد ترامپتىڭ سايلاۋالدى كامپانيياسى جالعاسىپ جاتقان كەزدە Facebook قولدانۋشىلارىنىڭ دەرەكتەرٸن زاڭسىز پايدالاندى دەپ ايىپتاعان. 2016 جىلى شۆەيتسارييانىڭ Das Magazine جۋرنالى بۇل دەرەكتەر ەلەمدەگٸ تٷرلٸ سايلاۋ نەتيجەلەرٸنە (ونىڭ ٸشٸندە ۇلىبريتانيياداعى برەكزيت بويىنشا داۋىس بەرۋ دە بار) ىقپال ەتۋ ٷشٸن پايدالانىلعان بولۋى مٷمكٸن دەپ جازدى.
بۇل داۋدان كەيٸن كومپانييا باسشىسى مارك تسۋكەربەرگتٸڭ اقش كونگرەسٸندەگٸ تىڭداۋدا جاۋاپ بەرۋٸنە تۋرا كەلدٸ. كومپانييا دەرەكتەردٸ ٶڭدەۋ ساياساتىن قاتاڭداتۋدى, ادامداردىڭ جەكە دەرەگٸن قورعاۋ ساياساتىن ٶزگەرتەتٸنٸن مەلٸمدەگەن. Cambridge Analytica بۇل داۋدان كەيٸن جۇمىسىن توقتاتتى.
