ەۋروپانىڭ كەي ەلدەرٸنٸڭ بيلٸگٸ COVID-19-عا قارسى ۆاكتسينالاردىڭ 1-شٸ جەنە 2-شٸ كومپونەنتٸن ەنگٸزۋ مەرزٸمٸن ۇزارتىپ جاتىر, دەپ حابارلاندى قر ٷكٸمەتٸ جانىنداعى قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegram كانالىندا.
يتالييادا العاشقى ۆاكتسينالاۋ مەن رەۆاكتسينالاۋ اراسىنداعى ٷزٸلٸستٸ ارتتىرۋ تۋرالى نورما بەكٸتٸلدٸ. ەندٸ دوزالار اراسىنداعى مەرزٸم 21 جەنە 28 ەمەس, 42 كٷندٸ قۇرايدى. بۇل Pfizer جەنە Moderna ۆاكتسينالارىنا قاتىستى بەلگٸلەنگەن.
ەل بيلٸگٸنٸڭ ايتۋىنشا, كومپونەنتتەردٸ ەنگٸزۋ اراسىنداعى ۋاقىتتى ەكٸ ەسە ۇزارتۋ بٸرٸنشٸ كەزەڭدە ەكپەمەن بٸراز ادامدى قامتۋعا مٷمكٸندٸك بەرەدٸ. اپەننين تٷبەگٸندە ۆاكتسينانى جەتكٸزۋ بويىنشا مەسەلەلەر ەلٸ دە بار.
يتالييادا اعىمداعى جىلدىڭ قاڭتارىندا بٸرٸنشٸ كەزەكتە دەرٸگەرلەر, قارتتار مەن قارتتار ٷيٸنٸڭ قىزمەتكەرلەرٸ ۆاكتسينا قابىلداي باستادى. جاپپاي ەكپە سالۋ تەگٸن جەنە ەرٸكتٸ تٷردە جٷرگٸزٸلۋدە, دەسە دە ەل بيلٸگٸ وتانداستارىنا ۆاكتسيناتسييا جاساۋعا كەڭەس بەرەدٸ. سەبەبٸ ەگۋ ناۋقانى جوسپارلاعاننان باياۋ جٷرۋدە. نەگٸزگٸ سەبەپتەردٸڭ بٸرٸ — ۆاكتسينالاردى جەتكٸزۋدەگٸ ٸركٸلٸستەر.
2021 جىلدىڭ سوڭىنا دەيٸن يتالييا حالقىنىڭ 90% - ىن ەگۋ جوسپارلانعان. سەۋٸر ايىنىڭ ورتاسىنداعى مەلٸمەتتەرگە سەيكەس, يتالييادا «كوروناۆيرۋس پنەۆمونيياسى» دياگنوزى راستالعان 110 مىڭنان استام ادام كٶز جۇمدى.
ەل عالىمدارى مەن ساياساتكەرلەرٸنٸڭ باستاماسىمەن رەسەيلٸك «سپۋتنيك V» ۆاكتسيناسىن ساتىپ الۋ مەسەلەسٸ تالقىلانۋدا, سونداي-اق ونى يتالييادا ٶندٸرۋ كٶزدەلۋدە.
يسپانييا ەلٸ دە AstraZeneca ۆاكتسيناسىنىڭ دوزالارى اراسىنداعى ارالىقتى ەدەۋٸر ارتتىردى. 60 جاسقا دەيٸنگٸ ادامدار ٷشٸن تٶرت جەنە 12 اپتادان 16 اپتاعا دەيٸن ۇزارتتى دەپ حابارلايدى Reuters.
يسپانييا ەۋرووداق مەملەكەتتەرٸ اراسىندا 2 كومپونەنتتٸ ەنگٸزۋ اراسىنداعى ۋاقىتتى 12 اپتادان اسا ۋاقىتقا سوزعان بٸرٸنشٸ ەل.
دەنساۋلىق ساقتاۋ مينيسترلٸگٸ رۇقساتتىڭ ەرەكەت ەتۋ مەرزٸمٸن ۇزارتۋ ۆاكتسينانى قولدانۋدىڭ ەڭ قاۋٸپسٸز ەدٸسٸن انىقتاۋعا مٷمكٸندٸك بەرەتٸندٸگٸن مەلٸمدەدٸ. باستاپقىدا AstraZeneca پرەپاراتى 18-65 جاس ارالىعىنداعى جۇمىسشىلارعا سالىندى, جاس ادامداردا قان ۇيىپ قالۋ قاۋپٸنٸڭ تۋىنداۋىنا بايلانىستى ۆاكتسينا تەك 60 جاستان اسقان ادامدارعا سالۋعا رۇقسات ەتٸلدٸ. بيلٸكتٸڭ مۇنداي قادامى بٸرٸنشٸ دوزانى العان كەي جاستاردىڭ ەكٸنشٸ دوزانى الۋ مٷمكٸندٸگٸن جوعالتۋىنا ەكەلدٸ.
دوزالار اراسىنداعى ارالىقتى ۇلعايتۋ بيلٸككە اتالعان توپتارداعى ادامدار ٷشٸن AstraZeneca نەمەسە ٶزگە ۆاكتسينانىڭ ەكٸنشٸ كومپونەنتٸن قابىلداۋ نە قابىلداماۋ تۋرالى شەشٸم شىعارماس بۇرىن ەرتٷرلٸ ۆاكتسينالاردى ارالاستىرۋ سىناقتارىن باعالاۋعا مٷمكٸندٸك بەرەدٸ.
