28 قاراشا كٷنٸ ەۋروپادا كوروناۆيرۋستان قايتىس بولعاندار سانى 400 مىڭنان استى. پاندەمييا باستالعالى سەگٸز اي ٶتسە, وسى ارالىقتا ەۋروپادا Covid اۋرۋىنان 400 949 ادامنىڭ ٶلٸمٸ تٸركەلگەن. بۇل تۋرالى اۋرۋدىڭ الدىن الۋ جەنە قاداعالاۋ جٶنٸندەگٸ ەۋروپالىق ورتالىق حابارلادى. كوروناۆيرۋس ينفەكتسيياسىن جۇقتىرىپ قايتىس بولعاندار جٶنٸنەن كٶش باسىندا ۇلىبريتانييا (57 551), يتالييا (53 677), فرانتسييا (51 914), يسپانييا (44 668) جەنە رەسەي (39 068) تۇر.
ۆيرۋس جۇقتىرعاندار سانى 13 ميلليوننان اسقان اقش-تا تەك قاراشا ايىنىڭ ٶزٸندە 4 ميلليون Covid ناۋقاسى انىقتالعان. ايدىڭ اياقتالۋىنا ەلٸ ەكٸ كٷن بار. بۇل – قازان ايىنداعى رەكوردتان ەكٸ ەسە جوعارى كٶرسەتكٸش. ەلدە ورتاشا ەسەپپەن كٷنٸنە 1,5 مىڭعا جۋىق ادام كوروناۆيرۋستان كٶز جۇمىپ جاتىر. قايتىس بولعانداردىڭ جالپى سانى 266 مىڭنان اسىپ قالدى. اۋرۋحاناعا جاتقىزىلعاندار سانى العاش رەت 90 مىڭنان استى. بۇل كٶپتەگەن شتاتتى شەكتەۋ شارالارىن كٷشەيتۋگە مەجبٷرلەدٸ.
"بٸز اپاتقا جاقىنداپ كەلەمٸز" دەدٸ CNN-گە دجوردج ۆاشينگتون ۋنيۆەرسيتەتٸنٸڭ شاقىرىلعان پروفەسسورى لەانا ۆەن. "اقش-تا قايتىس بولاتىنداردىڭ تەۋلٸك سانى جۋىق ارادى 2 مىڭنان, بەلكٸم 3 مىڭنان, 4 مىڭنان اسۋى مٷمكٸن".
رەسەيدٸڭ سانكت-پەتەربۋرگ قالاسىندا جاڭا تۋعان نەرەستەنٸڭ ەكە دە, شەشەسٸ دە كوروناۆيرۋستان قايتىس بولىپ, وتباسىنان تۇتاس ايىرىلعان. جاساندى تىنىس الۋ اپپاراتىنا قوسىلعان ەيەل بوسانعان كٷنٸ كٶز جۇمعان. ال سەبيدٸڭ ەكەسٸ ودان ٷش كٷن بۇرىن قايتىس بولعان. رەسەيدە ٸندەت باستالعالى 2 ميلليون 249 مىڭ ادامنىڭ ۆيرۋس جۇقتىرعانى راستالعان. ونىڭ 39 مىڭنان استامى قايتىس بولعان, 1 ميلليون 746 مىڭى جازىلىپ شىققان.
