«ەۋروپا وداعى (ەو) يران بيلٸگٸنەن وي-پٸكٸر ەركٸندٸگٸ مەن ازاماتتاردىڭ جينالۋ ەركٸندٸگٸن قۇرمەتتەۋدٸ تالاپ ەتٸپ, قاقتىعىسۋشى تاراپتاردان زورلىق-زومبىلىقتان باس تارتۋعا شاقىرادى», دەپ مەلٸمدەدٸ ەو-نىڭ سىرتقى ساياسات جٶنٸندەگٸ جوعارعى كوميسسارى فەدەريكا موگەريني.
ۆاشينگتون يرانداعى نارازىلىق شەرۋلەرٸندە تەرتٸپسٸزدٸك پەن قاقتىعىستىڭ ۇلعايۋنا بايلانىستى بۇۇ قاۋٸپسٸزدٸك كەڭەسٸنٸڭ شۇعىل جيىنىن ٶتكٸزۋدٸ تالاپ ەتٸپ وتىر. اقش-تىڭ بۇۇ-داعى تۇراقتى ٶكٸلٸ نيككي حەيلي نارازىلىق شەرۋلەرٸنە قاتىسۋشىلاردىڭ قازا تابۋىنا بايلانىستى جەنەۆاداعى ادام قۇقىقتارى جٶنٸندەگٸ كەڭەس تە ٶز پٸكٸرٸن بٸلدٸرۋٸ تيٸس دەپ ەسەپتەيدٸ. بۇۇ-داعى بريفينگتە سٶيلەگەن حەيلي يران دەمونسترانتتارىن «باتىلدىق تانىتتى» دەپ ماقتاپ, بٷكٸل ەلگە تاراعان نارازىلىق شارالارى ٶزدٸگٸنەن جەنە اياقاستى تۋىنداعانىن, وعان سىرتقى كٷشتەردٸڭ قاتىسى جوعىن مەلٸمدەدٸ. بۇعان دەيٸن يراننىڭ رۋحاني كٶسەمٸ اياتوللا ەلي حامەنەي نارازىلىق شەرۋلەرٸنە بٸلدٸرگەن پٸكٸرٸندە «يراننىڭ جاۋلارى ەل بيلٸگٸنە زييان كەلتٸرۋ ٷشٸن بٸرٸككەنٸن» مەلٸمدەگەن بولاتىن.
يرانداعى نارازىلىق بەيسەنبٸ, 28 جەلتوقساندا مەشحەدتە باستالىپ, بٸردەن باسقا قالالارعا جايىلعان. سودان بەرٸ شەرۋلەردە كەم دەگەندە 20 دەمونسترانت پەن بٸر پوليتسييا قىزمەتكەرٸ قازا تاپتى. تەگەراندا 30 جەلتوقساندا 450-دەن استام دەمونسترانت ۇستالدى.
ەۋەلدە قىمباتشىلىق پەن كٷنكٶرٸستٸڭ تٶمەندەپ كەتۋٸنە قارسى ۇرانمەن شىققان شەرۋدٸڭ سوڭى يراننىڭ جوعارى باسشىسى سانالاتىن رۋحاني جەتەكشٸسٸ اياتوللا ەلي حامەنەيدٸڭ ٸشكٸ ساياساتى مەن تاياۋ شىعىستاعى سىرتقى ساياساتىنا نارازىلىققا ۇلاستى. كٶشەگە شىققاندار حامەنەيدٸڭ پورترەتتەرٸن جىرتىپ, ەل باسشىلىعىنا قارسى ۇراندارىن ٷدەتە تٷسكەن.
يران پرەزيدەنتٸ حاسسان روۋحاني ەلدەگٸ تەرتٸپسٸزدٸك پەن قوعامدىق مەنشٸكتەگٸ مٷلٸكتٸ بٷلدٸرٸپ-قيراتۋدى ايىپتادى. بٸراق سونىمەن بٸرگە ول ٷكٸمەتتٸ ازاماتتاردىڭ "زاڭدى سىن مەن نارازىلىق بٸلدٸرۋٸنە مٷمكٸندٸك جاساۋعا" شاقىردى. روۋحاني يراندى ەركٸم جەكە پٸكٸرٸن ايتۋىنا قۇقىعى بار ەركٸن ەل دەپ اتادى.
