ۇلىبريتانييا يراندىق ٷش گەنەرال مەن قارۋ-جاراق ٶندٸرۋمەن اينالىساتىن بٸر فيرماعا سانكتسييا سالدى. بۇعان دەيٸن رەسەيدٸڭ يران دروندارىن ۋكرايناداعى سوعىستا پايدالانىپ جاتقانى جٶنٸندە اقپارات شىققان, دەپ حابارلايدى ازاتتىق.
بريتان قارجى مينيسترلٸگٸ سانكتسييا تٸزٸمٸنە Shahed دروندارىن ٶندٸرەتٸن Shahed Aviation Industries كومپانيياسىن دا ەنگٸزدٸ. كەيٸنگٸ اپتالاردا رەسەي ارميياسىنىڭ ۋكراين قالالارى مەن ەنەرگييا نىساندارىن دەل وسى دروندارمەن اتقىلاعانى حابارلانعان. لوندوننىڭ ايتۋىنشا, دروندار رەسەيگە "ۋكراينا اۋماعىن زاڭسىز باسىپ كٸرۋگە پايدالانۋ ٷشٸن" بەرٸلٸپ وتىر.
بەيسەنبٸ كٷنٸ تەگەرانعا سانكتسييانى كٷشەيتۋ تۋرالى شەشٸمدٸ ەۋرووداق ماقۇلداعان. بۇل جٶنٸندە تۆيتتەردە ەۋرووداققا تٶراعالىق ەتٸپ جاتقان چەحييا باسشىلىعى حابارلادى. كەيٸن شەشٸم ەۋروپا جۋرنالىندا جارييالانىپ, كٷشٸنە ەندٸ.
Shahed Aviation Industries مەن ٷش يراندىق گەنەرال ەۋروپا سانكتسيياسىنا دا ەنگەن. بۇلار: يران قارۋلى كٷشتەرٸ باس شتابىنىڭ ٶكٸلدەرٸ گەنەرال-مايور مۇحاممەد حۋسەين باگەري, قورعانىس مينيسترلٸگٸ جانىنداعى ٶنەركەسٸپ-زەرتتەۋ بٶلٸمٸنٸڭ جەتەكشٸسٸ سايەد حودجاتوللا گورەيشي جەنە يسلام رەۆوليۋتسيياسى ساقشىلار كورپۋسىنىڭ اەروعارىش كٷشتەرٸنە جەتەكشٸلٸك ەتەتٸن سايەد اگادجاني. ولاردىڭ ەۋرووداق ايماعىنداعى ەسەپشوتتارى بۇعاتتالىپ, ەۋرووداق ەلدەرٸنە بارۋىنا تىيىم سالىنادى.
كەيٸنگٸ كٷندەرٸ رەسەي ۋكرايناعا شابۋىلدا يراندىق "شاحەد-136" دروندارىن پايدالانىپ جاتىر. دەگەنمەن مەسكەۋ دە, تەگەران دا اقپاراتتى تەرٸستەپ كەلەدٸ.
