ەۋرووداققا مٷشە ەلدەردٸڭ تۇراقتى ٶكٸلدەر كوميتەتٸ بەلارۋستاعى سايلاۋ قورىتىندىسىن بۇرمالاۋ مەن بەيبٸت شەرۋگە شىققاندارعا كٷش قولدانۋعا جاۋاپتى 15 تۇلعاعا سانكتسييا سالۋدى ماقۇلدادى. اراسىندا الەكساندر لۋكاشەنكو دا بار.
ازاتتىقتىڭ ورىس قىزمەتٸنٸڭ بريۋسسەلدەگٸ تٸلشٸسٸ ريكارد يوزۆياكتىڭ حابارلاۋىنشا, سانكتسييا سالىنعان شەنەۋنٸكتەرگە ەۋروپا اۋماعىنا كٸرۋگە تىيىم سالىنادى, اكتيۆتەرٸ بۇعاتتالادى.
تاسس اگەنتتٸگٸنٸڭ جازۋىنشا, بۇل شەشٸمدٸ جاقىن ارادا ەۋروپا كەڭەسٸ بەكٸتەدٸ. اقپارات بويىنشا, شەشٸم 6 قاراشادا ەۋرووداقتىڭ ارنايى جۋرنالىندا جارييالانادى.
ەۋرووداق وسىعان دەيٸن دە مۇنداي تٸزٸمدٸ جاساپ, بەكٸتكەن ەدٸ. بٸراق وعان لۋكاشەنكو كٸرمەگەن بولاتىن. بەلارۋس سىرتقى ٸستەر مينيسترلٸگٸ بۇعان جاۋاپ رەتٸندە ەۋرووداققا قارسى سانكتسييا سالاتىنىن مەلٸمدەگەن.
سانكتسييا بەلارۋستا 9 تامىز كٷنگٸ پرەزيدەنت سايلاۋىنان كەيٸن قالىپتاسقان جاعدايعا بايلانىستى ەنگٸزٸلٸپ وتىر. ورتالىق سايلاۋ كوميسسيياسى پرەزيدەنت سايلاۋىندا الەكساندر لۋكاشەنكونىڭ 6-رەت جەڭٸسكە جەتكەنٸن حابارلاعاننان كەيٸن تۇرعىندار كٶشەگە شىعىپ, سايلاۋ قورىتىندىسىنىڭ بۇرمالانعانىن ايتقان. ارنايى جاساق قارسى شىققانداردى كٷشپەن ۇستاپ, قۇقىق قورعاۋشىلار تٷرمە مەن قاماۋ ورىندارىندا ازاپتاۋ مەن ۇرىپ-سوعۋ فاكتٸلەرٸن تٸركەگەن.
نارازىلىق اكتسييالارىنا قاراماستان 23 قىركٷيەكتە لۋكاشەنكو جاسىرىن يناۋگۋراتسيياسىن ٶتكٸزدٸ. ەۋرووداققا مٷشە بٸرقاتار ەلدەر, اقش, ۋكراينا لۋكاشەنكونى ەلدٸڭ زاڭدى پرەزيدەنتٸ دەپ تانۋدان باس تارتتى. 29 قىركٷيەكتە ۇلىبريتانييا مەن كانادا بەلارۋس بيلٸگٸنە سانكتسييا سالدى. بۇعان دەيٸن لاتۆييا, ليتۆا جەنە ەستونييا شامامەن 130 بەلورۋس شەنەۋنٸگٸن "قارا تٸزٸمگە" ەنگٸزگەن.
