«اقجول» پارتيياسىنىڭ اتىنان كەزەكتەن تىس پرەزيدەنتتٸك سايلاۋعا تٷسكەن دانييا ەسپاەۆا ساياسي ناۋقاننىڭ الدىن الا قورىتىندىسىنان كەيٸن ٶز پٸكٸرٸمەن بٶلٸستٸ, دەپ حابارلايدى "ۇلت اقپارات".
«الدىمەن, بارشا قازاقستاندىقتاردى ەلٸمٸزدٸڭ تاريحىندا ماڭىزدى بولىپ تابىلاتىن ايتۋلى كٷننٸڭ سەتتٸ ٶتۋٸمەن قۇتتىقتايمىن. ونىڭ ٸشٸندە, مەنٸ قولداپ داۋىس بەرگەن وتانداستارىما شەكسٸز العىسىمدى ايتامىن. بٷگٸندٸككە ۇيالى تەلەفونىما قوڭىراۋ شالىپ, قولداۋ بٸلدٸرۋشٸلەردٸڭ سانىندا شەك بولمادى. سونداي-اق, ٶز پارتييالاستارىم - اقجولدىقتارعا ريزاشىلىعىمدى بٸلدٸرەمٸن. سايلاۋعا كەلسەك, ٶتە تارتىستى ٶتتٸ. سوڭعى نەتيجەنٸ ەرتەڭ بٸلەتٸن بولامىز», - دەدٸ د. ەسپاەۆا.
سونىمەن قاتار كانديدات سايلاۋعا قاتىسۋدان ٶمٸرلٸك جەنە قىزمەتتٸك تەجٸريبە جيناعانىن ايتىپ ٶتتٸ.
«سايلاۋ - مەن ٷشٸن ٷلكەن مەكتەپ بولدى. ٶز باسىما كەرەكتٸ دٷنيە جينادىم. ەسٸرەسە, ٶڭٸرلەردەگٸ حالىقپەن كەزدەسۋ بارىسىندا كٶپتەگەن مەلٸمەتتەرگە قول جەتكٸزدٸم. الداعى ۋاقىتتا ماعلۇماتتارمەن تەرەڭٸنەن تانىساتىن بولامىن. ال نەتيجەگە كەلسەك, الدىن الا قورىتىندى بويىنشا, 3-ورىندامىن. ول - مەن ٷشٸن ٷلكەن كٶرسەتكٸش. ودان بٶلەك, تەۋەلسٸز قازاقستان تاريحىندا پرەزيدەنتتٸككە كانديداتتار اراسىندا العاش ەيەل بولىپ قالدىم. بۇل قۋانتادى», - دەدٸ ول.
كانديداتتىڭ سايلاۋ شتابىندا ونىڭ ٶكٸلدەرٸ مەن قولداۋشىلارى جينالدى.
Exit-poll نەتيجەسٸنە سٷيەنسەك, «قوعامدىق پٸكٸر» ينستيتۋتىنىڭ ٶكٸلدەرٸ جٷرگٸزگەن ساۋالناماعا سەيكەس, پرەزيدەنتتٸك سايلاۋ بارىسىندا دانييا ەسپاەۆاعا ەلەكتوراتتىڭ 5,32 پايىز داۋىس بەردٸ. ال «جاستار» عىلىمي-زەرتتەۋ ورتالىعىنىڭ ساۋالناما قورىتىندىسى بويىنشا, د. ەسپاەۆاعا حالىقتىڭ 4,78 پروتسەنتٸ قولداۋ بٸلدٸرگەن.
