قر باس مەملەكەتتٸك سانيتار دەرٸگەرٸ ايجان ەسماعامبەتوۆا جۇمىس بەرۋشٸلەرگە پتر تەستٸلەۋ نەتيجەسٸن اپارۋ تالابى تۋرالى ايتتى, دەپ حابارلايدى "ۇلت اقپارات".
«قازٸر كٶپتەگەن جۇمىس بەرۋشٸلەر كەڭسەگە ورالعان قىزمەتكەرلەردەن پتر انىقتاماسىن سۇراپ جاتىر. بٸز مۇنداي تالاپتى مٸندەتتەگەن جوقپىز, مٸندەتتەمەيمٸز. تٸپتٸ, كەڭەس بەرمەيمٸز دەپ ايتا الامىن. ٶيتكەنٸ, پتر انىقتاماسى بٷگٸن تەرٸس بولۋى مٷمكٸن, بٸراق ادامنىڭ ٶزٸ ۆيرۋس جۇقتىرىپ, ەندٸ تارالا باستاۋى ەبدەن مٷمكٸن», - دەدٸ باس سانيتارلىق دەرٸگەر ونلاين بريفينگتە.
ونىڭ ايتۋىنشا, جۇمىس بەرۋشٸلەردٸڭ تالابى ەڭبەك زاڭناماسى اياسىندا قاراستىرىلادى.
«ەگەر جۇمىس بەرۋشٸ مەن جۇمىسشى اراسىندا تەستٸلەۋدەن ٶتۋ تۋرالى ۋاعدالاستىق بولسا, بۇل ەڭبەك زاڭناماسى اياسىندا شەشٸلۋٸ كەرەك. بٸراق, بٸز جۇمىسقا ورالعاندارعا مٸندەتتٸ تەستٸلەۋدەن ٶتۋ تالابىن قويىپ وتىرعان جوقپىز», - دەدٸ ا. ەسماعامبەتوۆا.
سونىمەن بٸرگە, سپيكەر پتر تەستٸلەۋدەن تەگٸن ٶتەتٸندەر ساناتىن ايتىپ بەردٸ.
«اۋرۋ وقيعاسى تٸركەلگەن جەردە ٷنەمٸ ەپيدەميولوگييالىق تەكسەرۋ جۇمىستارى جٷرگٸزٸلەدٸ. تەكسەرۋ اياسىندا بايلانىستا بولعاندار تٸزٸمٸ قۇرىلادى. مەنٸڭ قاۋلىما سەيكەس, جاقىن جەنە ىقيمال بايلانىستا بولعان ادامدار تەستٸلەۋدەن تەگٸن ٶتۋٸ تيٸس», - دەدٸ ا. ەسماعامبەتوۆا.
