"ەسكٸ" قازاقستاننىڭ جەبٸرلەرٸ حالىقتى قاناۋدى جالعاستىرىپ جاتىر – بەپي

ۆيدەودان الىنعان كادر

مەجٸلٸسمەن ەرمۇرات بەپي باس پروكۋرورعا دەپۋتاتتىق ساۋال جولداپ, "كامەنكا" اسىل تۇقىمدى مال زاۋىتىنىڭ ۇجىم مٷشەلەرٸنە پايعا بەرٸلگەن جەردٸ قايتارۋدى تالاپ ەتتٸ, دەپ حابارلايدى Sputnik قازاقستان.

"بٸز – دەپۋتاتتار مىنا جاقتا اق تەر-كٶك تەر بولىپ, قازاقستان حالقىنان ۇرلانعان, تالان-تاراجعا تٷسكەن اكتيۆتەردٸ ەلگە قايتارۋعا قاتىستى زاڭدى قابىلداپ جٷرگەندە, الماتى جاقتا "ەسكٸ" قازاقستاننىڭ نازارباەۆتان قالعان جەبٸرلەرٸ مەن جەمقورلارى قاراپايىم حالىقتى قاناۋدى جالعاستىرىپ جاتىر. ناقتىلاپ ايتقاندا, نۇربول بولاتۇلى نازارباەۆ, قايرات ساتىبالدى مەن احمەتجان ەسٸموۆتٸڭ نٶكەرلەرٸ جەنە "قاڭتار گەنەرالى" سەرٸك كٷدەباەۆ الماتى وبلىسىنىڭ قاراساي اۋدانىنا قاراستى بۇرىنعى "كامەنكا" اسىل تۇقىمدى مال زاۋىتىنىڭ ۇجىم مٷشەلەرٸنە پايعا بەرٸلگەن جەردٸ كٶپە-كٶرنەۋ تارتىپ العان", - دەدٸ بەپي بٷگٸنگٸ مەجٸلٸس وتىرىسىندا.

ونىڭ ايتۋىنشا, پايشىلاردىڭ 274 گەكتار جەرٸ زاڭسىز جاۋاپكەرشٸلٸگٸ شەكتەۋلٸ سەرٸكتەستٸكتەرگە رەسٸمدەلگەن. ودان كەيٸن ەكٸ مىڭنان استام ادامنىڭ ٷلەسٸن "يجس"-كە اينالدىرىپ, ونىڭ ەدەۋٸر بٶلٸگٸن ساتىپ جٸبەرگەن. ولارعا الماتى وبلىسى مەن قاراساي اۋدانىنىڭ پروكۋراتۋراسى دا كٶمەكتەسە الماپتى.

"تارتىپ الىنعان جەردٸڭ بٸراز بٶلٸگٸن گەنەرال كٷدەباەۆتىڭ ادامدارى, احمەتجان ەسٸموۆتىڭ ادامدارى, سودان كەيٸن "ەليت ستروي" – ەلييا نازارباەۆا, "قازاق ستروي" – سەرگەي مۋليار, دميتريي لي دەگەن ادامدارعا, سولاردىڭ كەسٸپورىندارىنا تاراتىپ بەرگەن, ەلدە ساتقان. جەرگٸلٸكتٸ پروكۋراتۋرا مەن پوليتسييا زارلاعان حالىقتىڭ ەمەس, تويىمسىز, تاجال كلاننىڭ مٷددەسٸن قورعاۋدا", - دەپ اتاپ ٶتتٸ دەپۋتات.

بەپيدٸڭ سٶزٸنە قاراعاندا, پايشىلارعا اراشا تٷسكەن ادۆوكات لەززات جاپاشەۆانى جەنە بۇرىنعى "كامەنكا" اسىل تۇقىمدى مال زاۋىتى قىزمەتشٸلەرٸ كووپەراتيۆٸنٸڭ تٶرايىمى ەمينا جەڭٸسبەكوۆانى "الاياقتىق جاسادى" دەگەن جالعان ايىپپەن ەكٸ ايعا قاماتىپ تاستاعان. ال پايشىلاردىڭ نارازىلىق شاعىمىن جوعارعى ورگاندارعا ۇجىم اتىنان جەتكٸزٸپ, ارىزدانىپ جٷرگەن ابىلاي قوجا دەگەن جٸگٸتتٸ ٷيٸنەن ۇستاپ ەكەتٸپ, اباقتىعا تىققان.

قازٸرگٸ كەزدە پايشىلار 274 گەكتاردىڭ جارتىسىن مەملەكەتكە قايتارۋعا كەلٸسكەن. ٶزدەرٸنە جارتىسىن عانا قالدىرۋدى سۇراپتى. ولار ەرەۋٸلگە شىعۋعا دايىن وتىر.

"بۇل مەسەلە ەدٸلەتتٸ تٷردە شەشٸلۋٸ ٷشٸن جەر داۋىن اياقسىز قالدىرمايمىن! ەگەر ٸس تاعى دا نازارباەۆشىل ادامداردىڭ مٷددەسٸنە شەشٸلٸپ, جەر يەلەرٸ زارلاپ قالاتىن بولسا, ەل پرەزيدەنتٸنە دەيٸن بارامىن!", - دەدٸ بەپي.

دەپۋتات بارلىق قۇجاتتىڭ كٶشٸرمەسٸن باس پروكۋرورعا جولداماقشى.