ادۆوكات دامير سالدينوۆ باق ارقىلى جول-كٶلٸك وقيعاسى سالدارىنان كٶز جۇمعان ەسكەندٸر سٷلەيمەنوۆتٸڭ اتا-اناسىنىڭ ٷندەۋٸن جارييالادى, دەپ حابارلايدى قازاقپارات تٸلشٸسٸ.
«بٸز ٶكٸنٸشتٸ, كٶڭٸل بٸلدٸرۋدٸ, شىنايىلىق پەن ٶز ايىبىن جۋىپ-شايۋعا دەگەن ۇمتىلىستى كٶرمەدٸك. سوتتالۋشىنىڭ كٶزٸندە تەك ٶزٸ ٷشٸن ٷرەي, قاتاڭ جازادان قورقىنىش, باس بوستاندىعىنان ايىرىلۋدان سەسكەنۋ عانا بار. جٷرەگٸنٸڭ تٷكپٸرٸندە زاڭدا قاراستىرىلعان جاۋاپكەرشٸلٸكتەن جالتارۋعا دەگەن ٷمٸت تۇر. بارلىق سوت وتىرىستارى بارىسىندا قورعاۋشى مەن قورعالۋشى سوتقا دەيٸنگٸ تەرگەۋ امالدارى اياسىندا بەلگٸلٸ بولعان بارلىق جايعا كٷدٸك-كٷمەن كەلتٸرۋگە تىرىسقاندىقتان, بٷگٸنگٸ تاڭدا ماليكا مۇحيتوۆاعا مەيٸرٸمدٸلٸك تانىتۋدى جٶن كٶرٸپ وتىرعان جوقپىز», - دەدٸ كٶز جۇمعان جٸگٸتتٸڭ ەكەسٸ سەرگەي حان.
ول سونىمەن بٸرگە, مۇنىڭ بەرٸ دە ۇلىن جوعالتقان قايعىسىن باسا المايتىنىن ايتادى.
«ەكە جەنە شەشە رەتٸندە بٸزدٸڭ جٷرەگٸمٸزدەگٸ قايعى باسىلاتىن ەمەس. ٶمٸردەگٸ ەڭ ٷلكەن قاسٸرەت - اتا-اناسىنىڭ بالاسىن جەر قوينىنا تاپسىرۋى. مٸنە, سوندىقتان بٸزدٸڭ ەلدە باسقانىڭ ايىبى ٷشٸن ٶز بالاسىن كٶمۋگە مەجبٷر بولعان اتا-انالار از بولسا دەيمٸز», - دەيدٸ ەسكەندٸردٸڭ ەكەسٸ.
ٶز كەزەگٸندە ەسكەندٸردٸڭ اناسى سوت وتىرىسىنا باق ٶكٸلدەرٸنٸڭ قاتىسۋىنا قارسى بولعانىن, بٸراق بۇنى ايىپتالۋشى تاراپ قايتپاي قالاعانىن اتاپ ٶتكەن.
«بٸزدٸڭ بۇل حاتتى جازۋدان باسقا امالىمىز قالمادى. سەبەبٸ, بٶتەننٸڭ قايعىسىن بٶلٸسە المايتىن جەنە سەنساتسيياعا قۇمار جۋرناليستەر بٸزدٸڭ قاسٸرەتٸمٸزدٸ كٶرسەتە وتىرىپ, قايعىمىزعا قايعى جامايدى. بٸزدٸڭ وتباسىمىزعا بۇنىڭ كەرەگٸ جوق! بٸزدٸڭ قايعىمىزدىڭ شەگٸ جوق. جٷرەكتەگٸ جارامىزدى ەشكٸم دە جازا الماس. سوت پروتسەسٸندە جۋرناليستەردٸڭ قاتىسۋىنا قارسى بولدىق. الايدا سوت تٷسٸرٸلٸم جاساۋعا, سۇحبات بەرۋگە رۇقسات بەردٸ. بۇل رەتتە تەك جەبٸرلەنۋشٸلەردٸ, ياعني بٸزدٸ عانا تٷسٸرمەۋ مٸندەتتەلدٸ. بۇل كٸمگە كەرەك ەدٸ? سوتقا جۋرناليستەردٸ كٸم شاقىردى? ەلبەتتە, سوتتالۋشى, تۋىستارى مەن ادۆوكات», - دەيدٸ لەيلا سٷلەيمەنوۆا.
ونىڭ پايىمىنشا, جۋرناليستەردٸ ارنايى سوتقا شوۋ جاساۋ ٷشٸن شاقىرعان.
«ماليكا مۇحيتوۆا - جاعدايدىڭ قايعى شەگۋشٸ جەنە ٶكٸنۋشٸ قۇربانى. ادۆوكات د. كۋرياچەنكو - قويىلىمنىڭ ورتاسىنداعى فيگۋرا. ونىڭ ٷستٸنە ايىبىن مويىنداپ وتىرعان ٶزٸنٸڭ قورعاۋىنداعى ادامنىڭ ۇستانىمىن ەسكەرمەي ادۆوكات ٶز رٶلٸن ٶزٸنشە وينادى. ادۆوكات ٶزٸنٸڭ مٸندەتٸن - قورعاۋ, سول ارقىلى قورعاۋىنداعى ادامدى جاۋاپكەرشٸلٸكتەن الىپ كەتۋ, ايىپتى بٸزدٸڭ ۇلىمىزعا كٸنەنٸ ارتۋ دەپ بٸلەدٸ. سوڭعى سوت وتىرىسىنداعى ونىڭ جالىندى سٶزٸ وسى مەلٸمدەمەنٸ جاساۋعا تٷرتكٸ بولىپ وتىر. ادۆوكات د. كۋرياچەنكو قوعامداعى ادامنىڭ مورالدىق جەنە ەتيكالىق نورمالارىن ٶرەسكەل بۇزدى دەپ ەسەپتەيمٸز. ٶز سٶزٸندە ادۆوكات ٶزٸنٸڭ قورعالۋشىسى تۋرالى ايتىپ قانا قويماي, ەسكەندٸردٸڭ اتاسى - ولجاس سٷلەيمەنوۆتىڭ تاريحتاعى رٶلٸ مەن ماڭىزى, ەڭبەگٸ تۋرالى دا سٶيلەدٸ. ەلەمدٸك تاريحتاعى ولجاس ومارۇلىنىڭ ماڭىزدى رٶلٸ مەن بيوگرافيياسى تۋرالى باسقا جاعدايدا جٸلٸكتەپ ايتىلۋىن تٷسٸنۋگە بولار ەدٸ. بٸراق, ەيگٸلٸ جازۋشىنىڭ نەمەرەسٸنٸڭ ٶلٸمٸ قارالىپ جاتقان پروتسەستە - ادامگەرشٸلٸكتەن تىس ارسىزدىققا ۇقساپ كەتتٸ», - دەيدٸ قايتىس بولعان جٸگٸتتٸڭ اناسى.
ايتا كەتسەك, ٶتكەن اپتانىڭ جۇماسىندا جول-كٶلٸك وقيعاسىنا كٸنەلٸ رەتٸندە سوت ٸسٸ قارالىپ جاتقان ماليكا مۇحيتوۆا سوتتا كٶز جاسىنا ەرٸك بەرٸپ, بولعان ٸسكە ٶكٸنەتٸنٸن ايتقان ەدٸ.
«بۇل ەكٸ وتباسىنىڭ قايعىسى. مەن ونى ەشقاشان ۇمىتا المايمىن. جٷرەكتەگٸ وسى جٷكپەن ٶمٸر سٷرۋٸمە تۋرا كەلەدٸ. مەن اياعىمنان ەندٸ عانا تٸك تۇرىپ, ٶز كٷنٸمدٸ ٶزٸم كٶرە باستاعانمىن. ەكەم كەلەسٸ جىلى زەينەتكە شىعادى. اتا-اناما كٶمەكتەسەرمٸن دەگەن ويمەن جٷرگەن ەدٸم. بۇل جاعداي بٸزدٸڭ وتباسىلارىمىزدى بٸر قيىلىستا كەزٸكتٸردٸ. ەسكەندٸردٸڭ وتباسى مەنٸ كەشٸرگەنٸن قالايمىن. مەنٸڭ مۇنى جاساعىم كەلمەدٸ. مەن تاعى دا ەسكەندٸردٸڭ اتاسى مەن ەجەسٸنەن, اتا-اناسىنان كەشٸرٸم سۇراعىم كەلەدٸ. بۇل - بٸزدٸڭ دە وتباسىنىڭ قاسٸرەتٸ. مەن باس بوستاندىعىنان ايىرار جازا تاعايىنداماۋدى سۇرايمىن. بٸز بارلىق كٶمەكتٸ كٶرسەتۋگە دايىنبىز», - دەگەن ەدٸ ماليكا مۇحيتوۆا.
ەسكە سالا كەتسەك, وسى جىلدىڭ ماۋسىمىندا استاناداعى جول اپاتىندا ولجاس سٷلەيمەنوۆتٸڭ 26 جاستاعى نەمەرەسٸ ەسكەندٸر سٷلەيمەنوۆ مەرت بولدى. ەسكەندٸر تٸزگٸندەگەن موتوتسيكل قيىلىسقا شىققان كٶلٸككە سوعىلدى.
ارادا كٶپ ٶتپەي استانا قالالىق ٸشكٸ ٸستەر دەپارتامەنتٸ اپاتقا سەبەپكەر بولۋى مٷمكٸن Hyundai اۆتوكٶلٸگٸنٸڭ يەسٸ, 29 جاستاعى استانالىق كەلٸنشەككە قاتىستى تەرگەۋ امالدارى جٷرٸپ جاتقانىن حابارلاعان ەدٸ.
ايتا كەتسەك, 12 قازاندا ولجاس سٷلەيمەنوۆتٸڭ نەمەرەسٸنٸڭ ٶلٸمٸنە قاتىستى سوت پروتسەسٸ باستالىپ, ەسكەندٸر سٷلەيمەنوۆ قازا تاپقان جول اپاتى بويىنشا سوتتالۋشى ماليكا مۇحيتوۆا مارقۇمنىڭ اتا-اناسىنان كەشٸرٸم سۇراعان بولاتىن.
ٸس بويىنشا پروكۋرور ە.باراەۆ سوتتان ايىپتالۋشىنى 2 جىلعا باس بوستاندىعىنان ايىرۋدى سۇراپ وتىر.
