ەسكەندٸر سٷلەيمەنوۆ قازا بولعان جول اپاتىنا كٸنەلٸ دەپ تانىلعان ماليكا مۇحيتوۆا بٷگٸن قاماۋعا الىنادى, دەپ حابارلايدى "ۇلت اقپارات".
ەسٸل اۋداندىق №2 سوتىنىڭ سۋدياسى قانات توباعاليۇلىنىڭ ايتۋىنشا, زاڭ بويىنشا بٷگٸن تيٸستٸ قاۋلى تٷسۋٸ كەرەك. سودان باستاپ كٸنەلٸ ادامدى قاماۋعا الۋ شارالارى باستالادى.
«كٷنٸ كەشە عانا م.مۇحيتوۆاعا قاتىستى العاشقى سوتتىڭ ٷكٸمٸ ٶزگەرٸسسٸز قالدى. ول جايىندا بۇقارالىق اقپارات قۇرالدارى دا جازدى. بۇعان دەيٸن مۇحيتوۆانى قاماۋعا الۋ تۋرالى شەشٸم شىعارىلعان بولاتىن. الايدا سوتتىڭ ٷكٸمٸ زاڭدى كٷشٸنە ەنۋٸ تيٸس. كەشە اپپەلياتسييالىق ينستانتسييانىڭ شەشٸمٸمەن سوتتىڭ ٷكٸمٸ زاڭدى كٷشٸنە ەندٸ. دەمەك, بٷگٸننەن باستاپ كٸنەلٸ ازاماتتى قاماۋعا الۋ شارالارى قولعا الىنۋى شارت. قاۋلى تٷسكەن بويدا بٸز اتالعان قۇجاتتىڭ كٶشٸرمەسٸن تيٸستٸ ورگاندارعا جٸبەرەتٸن بولامىز. سول كەزدە م.مۇحيتوۆانى تەرگەۋ اباقتىسىنا, ودان كەيٸن كولونيياعا جٸبەرەدٸ. اتالعان تٷرمە مينيمالدى قاۋٸپسٸزدٸك دەڭگەيٸ بار مەكەمەلەرگە جاتادى», - دەدٸ ق.توباعاليۇلى استانادا ٶتكەن باسپاسٶز مەسليحاتىندا.
ەسكە سالايىق, 2018 جىلدىڭ ماۋسىم ايىندا استانادا جول اپاتىنان اقىن ولجاس سٷلەيمەنوۆتٸڭ 26 جاستاعى جيەنٸ ەسكەندٸر سٷلەيمەنوۆ مەرت بولدى. ەسكەندٸر تٸزگٸندەگەن موتوتسيكل قيىلىسقا شىققان كٶلٸككە سوعىلدى. ارادا كٶپ ٶتپەي استانا قالالىق ٸشكٸ ٸستەر دەپارتامەنتٸ اپاتقا سەبەپكەر بولۋى مٷمكٸن Hyundai اۆتوكٶلٸگٸنٸڭ يەسٸ, 29 جاستاعى ماليكا مۇحيتوۆاعا قاتىستى تەرگەۋ امالدارى جٷرٸپ جاتقانىن حابارلادى. كەيٸننەن م.مۇحيتوۆا قىزىلوردا وبلىستىق ٸٸد (پوليتسييا دەپارتامەنتٸنٸڭ) باستىعىنىڭ قىزى ەكەنٸ انىقتالدى.
اتالمىش ٸس بويىنشا سوت پروتسەسٸ 12 قازاندا باستالدى.
