ۇلتتىق قاۋٸپسٸزدٸك كوميتەتٸ سەۋٸر جەنە مامىر ايلارىندا قىرعىزستان جەنە ٶزبەكستان ەلدەرٸنٸڭ ارناۋلى قىزمەتتەرٸمەن, سونداي-اق قۇقىق قورعاۋ ورگاندارىمەن بٸرلەسٸپ, ەسٸرتكٸگە قارسى 30-دان اسا وپەراتسييا جٷرگٸزدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"ەسٸرتكٸ ترافيگٸنٸڭ 9 حالىقارالىق جەنە 14 ٶڭٸرلٸك ارناسى جويىلدى. سينتەتيكالىق ەسٸرتكٸ ٶندٸرەتٸن 8 ٸرٸ جاسىرىن زەرتحانانىڭ جۇمىسى توقتاتىلدى.
ارنايى وپەراتسييالار بارىسىندا ەسٸرتكٸ قۇرىلىمىنىڭ 15 قاتىسۋشى ۇستالدى. زاڭسىز اينالىمنان بارلىعى 223 كگ ەسٸرتكٸ, ونىڭ ٸشٸندە: 90 كگ سينتەتيكالىق ەسٸرتكٸ (270 مىڭ «بٸر رەتتٸك مٶلشەرگە» تەڭ), 85.2 كگ ماريحۋانا, 14 كگ اپيىن, 4 كگ گاشيش الىندى. بۇدان باسقا, 800 ەكستازي تابلەتكاسى, 500 تٷپ «گوللاند» ماريحۋاناسى جەنە پسيحوتروپتىق زاتتاردى دايىنداۋعا ارنالعان 4 توننا حيمييالىق رەاگەنتتەر اينالىمنان شىعارىلدى" - دەلٸنگەن حابارلامادا.
2 اي ٸشٸندە الىنعان ەسٸرتكٸنٸڭ «قارا نارىقتاعى» جالپى سوماسى 2.3 ملرد. تەڭگەدەن استامعا باعالانىپ وتىر.
حالىقارالىق ەسٸرتكٸ بيزنەسٸنە قارسى ٸس-قيمىل جٶنٸندەگٸ ٸس-شارالار جالعاسىپ جاتىر.
