Ulttyq qaýipsizdik komiteti sáýir jáne mamyr ailarynda Qyrǵyzstan jáne Ózbekstan elderiniń arnaýly qyzmetterimen, sondai-aq quqyq qorǵaý organdarymen birlesip, esirtkige qarsy 30-dan asa operatsiia júrgizdi, dep habarlaidy "Ult aqparat" vedomstvonyń baspasóz qyzmetine silteme jasap.
"Esirtki trafiginiń 9 halyqaralyq jáne 14 óńirlik arnasy joiyldy. Sintetikalyq esirtki óndiretin 8 iri jasyryn zerthananyń jumysy toqtatyldy.
Arnaiy operatsiialar barysynda esirtki qurylymynyń 15 qatysýshy ustaldy. Zańsyz ainalymnan barlyǵy 223 kg esirtki, onyń ishinde: 90 kg sintetikalyq esirtki (270 myń «bir rettik mólsherge» teń), 85.2 kg marihýana, 14 kg apiyn, 4 kg gashish alyndy. Budan basqa, 800 ekstazi tabletkasy, 500 túp «golland» marihýanasy jáne psihotroptyq zattardy daiyndaýǵa arnalǵan 4 tonna himiialyq reagentter ainalymnan shyǵaryldy" - delingen habarlamada.
2 ai ishinde alynǵan esirtkiniń «qara naryqtaǵy» jalpy somasy 2.3 mlrd. teńgeden astamǵa baǵalanyp otyr.
Halyqaralyq esirtki biznesine qarsy is-qimyl jónindegi is-sharalar jalǵasyp jatyr.
